შეამოწმეთ თქვენი ცოდნა

შეამოწმეთ თქვენი ცოდნა

საქართველოს იუსტიციის უმაღლესი საბჭო

საქართველოს იუსტიციის უმაღლესი საბჭო

იუსტიციის უმაღლესი სკოლა

იუსტიციის უმაღლესი სკოლა

საქართველოს ადვოკატთა ასოციაცია

საქართველოს ადვოკატთა ასოციაცია

საქართველოს საერთო სასამართლოების მოსამართლეთა სადისციპლინო კოლეგია

საქართველოს საერთო სასამართლოების მოსამართლეთა სადისციპლინო კოლეგია

კოალიცია დამოუკიდებელი და გამჭვირვალე მართლმსაჯულებისათვის

კოალიცია დამოუკიდებელი და გამჭვირვალე მართლმსაჯულებისათვის

ბიზნეს სამართლის ეროვნული ცენტრი

ბიზნეს სამართლის ეროვნული ცენტრი

დავის ალტერნატიული გადაწყვეტის ეროვნული ცენტრი

დავის ალტერნატიული გადაწყვეტის ეროვნული ცენტრი

საარბიტრაჟო ინიციატივა საქართველო

საარბიტრაჟო ინიციატივა საქართველო

სიახლეები

  • 2013
    04
    თებ

    კოალიცია დამოუკიდებელი და გამჭვირვალე მართლმსაჯულებისთვის ახალ სტრატეგიას გეგმავს

    2-3 თებერვალს კოალიციამ დამოუკიდებელი და გამჭვირვალე მართლმსაჯულებისთვის (CITJ), რომელიც JILEP-ის მხარდაჭერით შეიქმნა და 30 სამოქალაქო ორგანიზაციისაგან შედგება, 2013 წლის ადვოკატირების სამოქმედო გეგმა განავითარა. ორდღიან ღონისძიებაში კოალიციის ხუთი სამუშაო ჯგუფი მონაწილებოდა - სასამართლო ადმინისტრირება, სისხლის სამართალი, ბიზნეს სამართალი, უფასო იურიდიული დახმარება და იურიდიული განათლება. აღნიშნულმა სამუშაო ჯგუფებმა წლის სამოქმედო გეგმა შეიმუშავეს და იქ შეკრებილ წევრებს წარუდგინეს. ასევე მნიშნველოვანია, რომ კოალიციის წევრებმა  სისხლის სამართლის რეფორმის უწყებათაშორის საკოორდინაციო საბჭოსთვის  (რომელსაც იუსტიციის სამინისტრო ხელმძღვანელობს) შეიმუშავეს რეკომენდაციები, რომელთაც საბჭო სავარაუდოდ გაითვალისწინებს „2013 წლის სასამართლოს სისტემის სტრატეგიის რეფორმის“ მომზადებისას. კოალიცია აღნიშნულ რეკომენდაციებს უწყებათაშორის საბჭოს ოფიციალურად 2013 წლის 10 თებერვალს წარუდგენს.
    ვრცლად..
  • 2013
    29
    იან

    კოალიციის წევრები 2013 წლის ადვოკატირების სტრატეგიას ავითარებენ

    25-27 იანვარს, მართლმსაჯულების დამოუკიდებლობისა და სამართლებრივი გაძლიერების პროექტი საქართველოს ადვოკატთა ასოციაციას 2013 წლის სტარტეგიული გეგმის განახლებაში დაეხმარა. შეხვედრას ასოციაციის თავმჯდომარე, აღმასრულებელი საბჭოს, ეთიკის კომისიის, სარევიზიო კომისიის წევრები და თანამშრომლები ესწრებოდნენ. ჯგუფმა 2013 წლისთვის შემდეგი მიზნები დასახა:

    • ადვოკატთა უფლებების დაცვა;
    • ადვოკატთა ასოციაციის წევრების პროფესიონალიზმის გაუმჯობესება;
    • საადვოკატო ეთიკის სტანდარტების დამკვირების ხელშეწყობა;
    • იურიდიული რეფორმის და კანონის უზენაესობის დამკვიდრების ხელშეწყობა;
    • ასოციაციის ინსტიტუციონალური გაძლიერება.
    მონაწილეებმა ასევე განიხილეს საქართველოს კანონში „ადვოკატთა შესახებ“ შესატანი ცვლილებები. განსაკუთრებით აქტიური დებატები მოჰყვა თუ როგორი უნდა იყოს საბჭოს პოზიცია ადვოკატთა ასოციაციის თავმჯდომარის შერჩევასთან დაკავშირებით - უნდა მოხდეს თავმჯდომარის პირდაპირი არჩევა ადვოკატთა ასოციაციის საერთო კრების მიერ, თუ არაპირდაპირ, აღმასრულებელი საბჭოს მიერ. ადვოკატთა ასოციაციის აღმასრულებელი საბჭო გეგმავს გადაწყვეტილება მიიღოს კანონში შესატანი ცვლილებების საბოლოო ტექსტთან დაკავშირებით და პარლამენტს დასამტკიცებლად გადასცეს.

    ვრცლად..
  • 2013
    23
    იან

    JILEP მხარს უჭერს სამართლებრივი წერის სასწავლო პროგრამის განვითარებას

    21 იანვარს, JILEP-მა თავისუფალი უნივერსიტეტის ბიზნეს სამართლის ეროვნულ ცენტრთან ერთად რიგით მესამე სამუშაო ღონისძიება ჩაატარა, რომელიც ქართველ სამართლის პროფესორებს და ადვოკატებს სამართლებრივი წერის უნარ-ჩვევების გასაუმჯობესებელი კურსების შედგენაში ეხმარება. ვოშბურნის უნივერსიტეტის (ტოპეკა, კანზასი) სამართლის სკოლის პროფესორებმა აიდა ალაკამ და ტონია კოვალსკიმ, შერჩეულ თორმეტ სამართლის პროფესორს და პრაქტიკოს ადვოკატს სამ დღიანი სამართლებრივი წერის ტრენინგი ჩაუტარეს.  ღონისძიებაში პროფესორებმა ისეთი თემებზე განიხილეს როგორიც არის სასწავლო პროგრამის შედგენა, ეფექტური სამართლებრივი წერის სავარჯიშოების შექმნა, უკუკავშირის ფილოსოფიები.
    ვრცლად..
  • 2012
    28
    დეკ

    EWMI-JILEP ბიზნეს სამართლის იმიტირებული სასამართლო პროცესის ეროვნულ კონკურსს აფინანსებს

    22-23 დეკემბერს, თბილისის თავისუფალ უნივერსიტეტში, მართლმსაჯულების დამოუკიდებლობისა და სამართლებრივი გაძლიერების პროექტის ფარგლებში, თავისუფალი უნივერსტეტის სამართლის სკოლის და ბიზნეს სამართლის ეროვნული ცენტრის თანადაფინანსებით, გაიმართა იმიტირებული სასამართლოების ეროვნული კონკურსი ბიზნეს სამართალში. კონკურსი 2 ეტაპისგან შედგებოდა. პირველ ეტაპზე ბიზნეს სამართლის ეროვნული ცენტრის გუნდმა საკონკურსო კაზუსი მოამზადა და უნივერსიტეტებში გაავრცელა, რომელთაც აღნიშნული კაზუსის ამომწურავი ანალიზი უნდა გაეკეთებინათ და ამოეხსნათ იგი.  ფინალში სამი უნივერსიტეტის 10 გუნდი გავიდა, რომელთაც საუკეთესო კაზუსის ანალიზი წარმოადგინეს. ფინალი წარმოადგენდა იმიტირებულ სასამართლო პროცესს, რაც მონაწილე სტუდენტების სპეციფიკური სასამართლო ადოვოკატირების და პრეზენტაციის უნარ-ჩვევების განვითარებისთვის იყო გამიზნული.

    საწყისი რაუნდები 22 დეკემბერს ჩატარდა,  თავისუფალ უნივერსიტეტში.  ნახევარ ფინალები 23 დეკემბერს - საქართველოს უზენაეს სასამართლოში.  კონკურსში თავისუფალი უნივერსიტეტის გუნდმა გაიმარჯვა.  გამარჯვებული და მეორე ადგილზე გასული გუნდები სპეციალური პრიზებით დაჯილდოვდნენ.

    ვრცლად..
  • 2012
    28
    დეკ

    JILEP-ის მხარდაუჭერით დავების ალტერნატიული მოგვარების ეროვნულმა ცენტრმა ლექციები ჩაატარა მედიაციაზე

    2012 წლის დეკემბერში, დავების ალტერნატიული მოგვარების ეროვნულმა ცეტრმა (NCADR) USAID JILEP-ის მხარდაჭერით სამი საჯარო ლექცია გამართა მედიაციის თემაზე.  პირველი საჯარო ლექცია 13 დეკემბერს ჩატარდა და ეხებოდა მედიაციის მომავალს ჯანდაცვის დავებთან დაკავშირებით, ასევე არასრულწლოვანთა სისხლის სამართლის საქმეების საკითხში. 16 დეკემბერს დავების ალტერნატიული მოგვარების ცენტრის გუნდმა თბილისის სახელმწიფო უნივესიტეტის სტუდენტებთან ერთად, რომლებიც აქტიურად იყვნენ  ჩართულნი კვლევაში, წარმოადგინეს ნაშრომი მედიაციის მომავალი საქართველოში. პრეზენტაციას მოჰყვა დისკუსიები მრგვალი მაგიდის გარშემო.

    საჯარო ლექციაზე 17 დეკემბერს, დავების ალტერნატიული მოგვარების ცენტრის გუნდმა პრეზენტაცია  გამართა ადვოკატირების როლზე მედიაციაში.  ლექციის დასრულებას მოჰყვა მრგვალი მაგიდა, სადაც განხილულ იქნა მედიაციის პროცესში ადვოკატირების სპეციფიკა.

    აღნიშნული პროგრამა, მედიაციის შესახებ საზოგადოების ცნობიერების ამაღლების კამპანიის ნაწილია, რომელსაც დავების ალტერნატიული მოგვარების ცენტრი JILEP-ის მიერ საქართველოში მედიაციის სისტემების განვითარების პროგრამის ფარგლებში ახორციელებს.

    ვრცლად..
  • 2012
    26
    დეკ

    არასამთავრობო ორგანიზაციების კოლიცია წარმოადგენს ანალიტიკურ ანგარიშს აღმკვეთ ღონისძიებებთან დაკავშირებით

    2012 წლის 21 დეკემბერს კოალიციამ დამოუკიდებელი და გამჭვირვალე მართლმსაჯულებისთვის საზოგადოებას წარუდგინა ანგარიში თემაზე აღმკვეთი ღონისძიებების გამოყენება სისხლის სამართლის პროცესში: კანონმდებლობისა და პრაქტიკის კვლევა. ანგარიშში მოცემულია ადგილობრივი კანონმდებლობის და პრაქტიკის ანალიზი აღმკვეთი ღონისძიებების სფეროში, რომლებიც საქართველოს მართლმსაჯულების სისტემის პრობლემატურ სფეროს წარმოადგენს.  პრეზენტაციის მიზანი იყო კონსტრუქციული დიალოგის წარმართვა სამოქალაქო საზოგადოების და მთავრობის წარმომადგენლებს შორის   აღმკვეთი ღონისძიებების პრობლემებსა და მათი გადაჭრის სავარაუდო გზებთან დაკავშირებით.  დისკუსიაში მონაწილეობა მიიღეს სასამართლო, საკანონმდებლო და აღმასრულებელი ხელისუფლების წარმომადგენლებმა, საერთაშორისო დონორმა ორგანიზაციებმა და ამ სფეროში მომუშავე სხვა ექსპერტებმა.

    კოალიციის მრავალი ღონისძიებებიდან ეს არის ერთ-ერთი ღონისძიება, რომელიც მოწოდებულია გააძლიეროს სამართლებრივი პროფესიული ასოციაციების, იურიდიული არასამთავრობო ორგანიზაციების, ბიზნეს ასოციაციებისა და მედიის პოტენციალი სათანადო სასამართლო პრაქტიკის მონიტორინგისა და დამოუკიდებელი სასამართლო სისტემის ადვოკატირებაში.
    ვრცლად..
  • 2012
    26
    დეკ

    JILEP საქართველოს უფასო იურიდიული მომსახურების სფეროში მოღვაწე იურისტებს ადვოკატირების უნარ-ჩვევების გაუმჯობესებაში

    2012 წლის 19 დეკემბერს JILEP-მა ჩაატარა ტრენინგი სამართლებრივ წერაში, რომელსაც ესწრებოდა 10 წარმომადგენელი უფასო იურიდიული დახმარების 5 არასამთავრობო  ორგანიზაციიდან და სახელმწიფო უფასო იურიდიული დახმარების სამსახურის  3 ადვოკატი. გამომდინარე იქიდან, რომ USAID-ის დაფინანსებული მართლმსაჯულების დამოუკიდებლობისა და სამართლებრივი გაძლიერების პროექტი (JILEP) ფინანსურ მხარდაჭერას უწევს საკმაოდ ბევრ უფასო იურიდიული დახმარების სფეროში მოღვაწე ორგანიზაციას, იგი მოტივირებულია ხელი შეუწყოს აღნიშნულ ორგანიზაციებში იურიდიული დახმარების ხარისხის გაუმჯობესებას.  ტრენინგის შედეგად მონაწილეებმა შეისწავლეს, თუ როგორ უნდა მოემზადონ სამართლებრივი წერისთვის, როგორ აწარმოონ მიმოწერა კლიენტებთან და როგორ შეადგინონ შიდა-საოფისე მემორანდუმი.  ისინი აგრეთე გაეცნენ, თუ რა თავისებურებები ახასიათებს წერის ტექნიკას სხვადსხვა ტიპის დოკუმენტების მომზადებისას.  რით განსხვავდება დოკუმენტი, რომლის მიზანია ინფორმაციის მიწოდება იმგვარი დოკუმენტისგან, რომელიც მიზნად ისახავს ინფორმაციის მიღებას ან დარწმუნებას.  აღნიშნული სემინარი რიგით მეოთხე იყო.  მომავალში ჩატარდება სემინარები ადვოკატირებისა და კანონპროექტების შემუშავების შესახებ.
    ვრცლად..
  • 2012
    19
    დეკ

    JILEP იურიდიული უნარ-ჩვევების განვითარებას ეროვნული სისხლის სამართლის ადვოკატირების კონკუსის საშუალებით უჭერს მხარ

    18 დეკემბერს, ამერიკის შეერთებული შტატების ელჩმა საქართველოში რიჩარდ ბ. ნორლანდმა, უზენაესი სასამართლოს თავმჯდომარე კონსტატინე კუბლაშვილთან  ერთად JILEP-ის მიერ დაფინანსებულ, საქართველოს მეორე ეროვნული სისხლის სამართლის ადვოკატირების კონკურსის გამარჯვებულები დააჯილდოვა.  უმაღლესი ჯილდო ერგო აკ. წერეთლის სახელწიფო უნივერსიტეტის გუნდს (ქუთაისში), ხოლო თავისუფალი უნივერსიტეტის გუნდმა მეორე ადგილი დაიკავა. კონკურსში 8 უნივერსიტეტის სამართლის სტუდნეტები მონაწილეობდნენ.  მოსამართლეების როლს გამოცდილი ქართველი და უცხოელი ადვოკატები ასრულებდნენ.  ნახევარფინალური და ფინალური რაუნდები საქართველოს უზენაეს სასამართლოში ჩატარდა.  საწყისი რაუნდი კი 17 დეკემბერს, ქართულ-ამერიკულ უნივერსიტეტში (GAU).  კონკუსის წინ, JILEP-მა ქართულ-ამერიკულ უნივერსიტეტთან ერთად 48 იურიდიული ფაკულტეტის სტუდენტი და 8 სამართლის პროფესორი, „ინსტრუქტორი“ დაატრენინგა საბაზისო სასამართლო ადვოკატირების უნარ-ჩვევებში.
    ვრცლად..
  • 2012
    11
    დეკ

    JILEP სამართლის პროფესორებს ახალი სწავლების მეთოდებში ატრენინგებს

    4-7 დეკებერს, JILEP-მა, თავისუფალი უნივერსიტეტის ბიზნეს სამართლის ეროვნულ ცენტრთან ერთად 8 სამართლის სკოლის პროფესორისთვის სასწავლო მეთოდოლოგიაში ტრენინგი ჩაატარა.  ეს იმ ტრეინინგთა ნაწილია, რომელიც ქართველი ლექტორებისთვის, ერთ წლიანი ტრენერთა ტრეინინგის პროექტის ფარგლებში ჩატარდა.  სამუშაო ღონისძიება, ვოშბორნის უნივერსიტეტის სამართლის სკოლის (აშშ) ორმა წამყვანმა ექსპერტმა: პროფესორებმა მაიკლ შვარცმა და რორი ბაჰადურმა ჩაატარეს.  თემები მოიცავდა შეფასებას, გამოცდის შედგენას, დამოუკიდებლად განსაზღვრულ სწავლების მეთოდს  და სხვა საინტერესო თემებს.  შემდეგი სამუშაო ღონისძიება 2013 წლის მარტში ჩატარდება სადაც ქართველი მონაწილეები პირველ ტრენინგს ჩაუტარებენ სხვა ადგილობრივ ქართველ პროფესორებს.
    ვრცლად..
  • 2012
    11
    დეკ

    JILEP მხარს უჭერს ბიზნეს სამართლის განგრძობითი იურიდიული განათლების კონფერენციას

    რიგით მეორე, ეროვნული განგრძობითი იურიდიული განათლების კონფერენცია ბიზნეს სამართალში 1-2 დეკემბერს ჩატარდა თავისუფალი უნივერსიტეტის ბიზნეს სამართლის ეროვნულ ცენტრში.  კონფერენციას ორგანიზატორები იყვნენ JILEP, ბიზნეს სამართლის ეროვნული ცენტრი, თბილისის თავისუფალი უნივერსიტეტი და საქართველოს ადვოკატთა ასოციაცია.  კონფერენციის სპიკერებს შორის იყვნენ   საქართველოს უზენაესი სასამართლოს მოსამართლე - ნუნუ კვანტალიანი; საჯარო რეესტრის იურიდიული განყოფილების უფროსი - იაგო ხვიჩია; იურიდიული ფირმა კორძახია-ჟღენტის დამფუძნებელი ირაკლი კორძახია, იურიდიული ფირმა BLC პარტნიორი ლევან დადიანი და სხვები.

    კონფერენციამ საშუალება მისცა 100-ზე მეტ ადვოკატს ბიზნეს სამართალში თავისი ცოდნა გაეღრმავებინა.  საკონფერენციო თემები მოიცავდა: კომერციულ ხელშეკრულებებში სამართლის  შერჩევის, დავების გადაწყვეტის და სასამართლო გადაწყვეტილებების მიღება -აღსრულების საკითხებს, ინტელექტუალური საკუთრების პრობლემებს, კერძო სამართლის იურიდიული პირის რეგისტრაციას, ლიზინგის რეგულაციას სამოქალაქო კოდექსის მიხედვით და „მუდმივი დაწესებულების“ კონცეფციას ქართული და საერთაშორისო საგადასახადო სამართლში. მონაწილეებს საშუალება ჰქონდათ თავად აერჩიათ სამი თემა. ადვოკატთა ასოციაციამ განგრძობითი იურიდიული განათლების კრედიტები ყოველა მონაწილეს მიანიჭა.
    ვრცლად..
USAID
Top of Page