შეამოწმეთ თქვენი ცოდნა

შეამოწმეთ თქვენი ცოდნა

საქართველოს იუსტიციის უმაღლესი საბჭო

საქართველოს იუსტიციის უმაღლესი საბჭო

იუსტიციის უმაღლესი სკოლა

იუსტიციის უმაღლესი სკოლა

საქართველოს ადვოკატთა ასოციაცია

საქართველოს ადვოკატთა ასოციაცია

საქართველოს საერთო სასამართლოების მოსამართლეთა სადისციპლინო კოლეგია

საქართველოს საერთო სასამართლოების მოსამართლეთა სადისციპლინო კოლეგია

კოალიცია დამოუკიდებელი და გამჭვირვალე მართლმსაჯულებისათვის

კოალიცია დამოუკიდებელი და გამჭვირვალე მართლმსაჯულებისათვის

ბიზნეს სამართლის ეროვნული ცენტრი

ბიზნეს სამართლის ეროვნული ცენტრი

დავის ალტერნატიული გადაწყვეტის ეროვნული ცენტრი

დავის ალტერნატიული გადაწყვეტის ეროვნული ცენტრი

საარბიტრაჟო ინიციატივა საქართველო

საარბიტრაჟო ინიციატივა საქართველო

სიახლეები

  • 2012
    19
    დეკ

    JILEP იურიდიული უნარ-ჩვევების განვითარებას ეროვნული სისხლის სამართლის ადვოკატირების კონკუსის საშუალებით უჭერს მხარ

    18 დეკემბერს, ამერიკის შეერთებული შტატების ელჩმა საქართველოში რიჩარდ ბ. ნორლანდმა, უზენაესი სასამართლოს თავმჯდომარე კონსტატინე კუბლაშვილთან  ერთად JILEP-ის მიერ დაფინანსებულ, საქართველოს მეორე ეროვნული სისხლის სამართლის ადვოკატირების კონკურსის გამარჯვებულები დააჯილდოვა.  უმაღლესი ჯილდო ერგო აკ. წერეთლის სახელწიფო უნივერსიტეტის გუნდს (ქუთაისში), ხოლო თავისუფალი უნივერსიტეტის გუნდმა მეორე ადგილი დაიკავა. კონკურსში 8 უნივერსიტეტის სამართლის სტუდნეტები მონაწილეობდნენ.  მოსამართლეების როლს გამოცდილი ქართველი და უცხოელი ადვოკატები ასრულებდნენ.  ნახევარფინალური და ფინალური რაუნდები საქართველოს უზენაეს სასამართლოში ჩატარდა.  საწყისი რაუნდი კი 17 დეკემბერს, ქართულ-ამერიკულ უნივერსიტეტში (GAU).  კონკუსის წინ, JILEP-მა ქართულ-ამერიკულ უნივერსიტეტთან ერთად 48 იურიდიული ფაკულტეტის სტუდენტი და 8 სამართლის პროფესორი, „ინსტრუქტორი“ დაატრენინგა საბაზისო სასამართლო ადვოკატირების უნარ-ჩვევებში.
    ვრცლად..
  • 2012
    11
    დეკ

    JILEP სამართლის პროფესორებს ახალი სწავლების მეთოდებში ატრენინგებს

    4-7 დეკებერს, JILEP-მა, თავისუფალი უნივერსიტეტის ბიზნეს სამართლის ეროვნულ ცენტრთან ერთად 8 სამართლის სკოლის პროფესორისთვის სასწავლო მეთოდოლოგიაში ტრენინგი ჩაატარა.  ეს იმ ტრეინინგთა ნაწილია, რომელიც ქართველი ლექტორებისთვის, ერთ წლიანი ტრენერთა ტრეინინგის პროექტის ფარგლებში ჩატარდა.  სამუშაო ღონისძიება, ვოშბორნის უნივერსიტეტის სამართლის სკოლის (აშშ) ორმა წამყვანმა ექსპერტმა: პროფესორებმა მაიკლ შვარცმა და რორი ბაჰადურმა ჩაატარეს.  თემები მოიცავდა შეფასებას, გამოცდის შედგენას, დამოუკიდებლად განსაზღვრულ სწავლების მეთოდს  და სხვა საინტერესო თემებს.  შემდეგი სამუშაო ღონისძიება 2013 წლის მარტში ჩატარდება სადაც ქართველი მონაწილეები პირველ ტრენინგს ჩაუტარებენ სხვა ადგილობრივ ქართველ პროფესორებს.
    ვრცლად..
  • 2012
    11
    დეკ

    JILEP მხარს უჭერს ბიზნეს სამართლის განგრძობითი იურიდიული განათლების კონფერენციას

    რიგით მეორე, ეროვნული განგრძობითი იურიდიული განათლების კონფერენცია ბიზნეს სამართალში 1-2 დეკემბერს ჩატარდა თავისუფალი უნივერსიტეტის ბიზნეს სამართლის ეროვნულ ცენტრში.  კონფერენციას ორგანიზატორები იყვნენ JILEP, ბიზნეს სამართლის ეროვნული ცენტრი, თბილისის თავისუფალი უნივერსიტეტი და საქართველოს ადვოკატთა ასოციაცია.  კონფერენციის სპიკერებს შორის იყვნენ   საქართველოს უზენაესი სასამართლოს მოსამართლე - ნუნუ კვანტალიანი; საჯარო რეესტრის იურიდიული განყოფილების უფროსი - იაგო ხვიჩია; იურიდიული ფირმა კორძახია-ჟღენტის დამფუძნებელი ირაკლი კორძახია, იურიდიული ფირმა BLC პარტნიორი ლევან დადიანი და სხვები.

    კონფერენციამ საშუალება მისცა 100-ზე მეტ ადვოკატს ბიზნეს სამართალში თავისი ცოდნა გაეღრმავებინა.  საკონფერენციო თემები მოიცავდა: კომერციულ ხელშეკრულებებში სამართლის  შერჩევის, დავების გადაწყვეტის და სასამართლო გადაწყვეტილებების მიღება -აღსრულების საკითხებს, ინტელექტუალური საკუთრების პრობლემებს, კერძო სამართლის იურიდიული პირის რეგისტრაციას, ლიზინგის რეგულაციას სამოქალაქო კოდექსის მიხედვით და „მუდმივი დაწესებულების“ კონცეფციას ქართული და საერთაშორისო საგადასახადო სამართლში. მონაწილეებს საშუალება ჰქონდათ თავად აერჩიათ სამი თემა. ადვოკატთა ასოციაციამ განგრძობითი იურიდიული განათლების კრედიტები ყოველა მონაწილეს მიანიჭა.
    ვრცლად..
  • 2012
    11
    დეკ

    საქართველოს ადვოკატთა ასოციაციას ეთიკის კოდექსში მნიშვნელოვანი ცვლილებები შეაქვს

    8 დეკემბერს, საქართველოს ადვოკატთა ასოციაციამ საერთო კრება მოიწვია.  შეხვედრის შედეგად, ცვლილებები შევიდა ადვოკატების ეთიკის კოდექსში და ადვოკატთა ასოციაციის ადვოკატთა დისციპლინური პასუხისმგებლობისა და დისციპლინური წარმოების დებულებაში.  აღნიშნული ცვლილებები წინა წლის განმავლობაში მუშავდებოდა ადვოკატთა ასოციაციის სამუშაო ჯგუფის, JILEP-ისა და მისი ექსპერტების: ვაშინგტონის და ლის უნივერსიტეტის სამართლის სკოლის პროფესორი ჯეიმს მოლიტერნო (აშშ) და ჯიმ მაკკაული - ვირჯინიის ადვოკატთა ასოციაცია მიერ.  ცვლილებების განხილვა დაახოებით სამ საათს გაგრძელდა; ცვლილებები 234 ხმით იქნა მიღებული  5-ის წინააღმდეგ.
    ვრცლად..
  • 2012
    10
    დეკ

    JILEP-ის ფარგლებში შექმნილმა კოალიციამ მხარი დაუჭირა ახალი მთავრობის კონსტრუქციულ დიალოგს სასამართლოს რეფორმის ინიციატივასთან დაკავშირებით

    19 ნოემბერს JILEP-ის მხარდაჭერით კოალიციამ დამოუკიდებელი და გამჭვირვალე მართლმსაჯულებისთვის გამართა საჯარო ფორუმი  თემაზე: „დემოკრატიული და გამჭვირვალე სასამართლოს ადმინისტრირება: საკანონმდებლო რეფორმები“.  ფორუმი ამერიკის შეერთებული შტატების ელჩის მოადგილემ - ბრიჯით ბრინქმა გახსნა.  იუსტიციის მინისტრის მოადგილემ სანდრო ბარამიძემ წარმოადგინა იუსტიციის სამინისტრო, იუსტიციის უმაღლესი საბჭოს მდივანმა ვალერი ცერცვაძემ კი - სასამართლოს ხელისუფლება.  ფორუმზე იმსჯელეს იუსტიციის უმაღლესი საბჭოს რესტრუქტურიზაციაზე, რომლის მიზანია ინდივიდუალური მოსამართლეებისათვის სასამართლო ხელისუფლების ადმინისტრირებაში მონაწილეობის მიღების შესაძლებლობის შექმნა. ამასთან ფორუმზე განხილულ იქნა, თუ როგორ უნდა გახდეს მოსართლეების დანიშვნა და დაწინაურება უფრო სამართლიანი და გამჭვირვალე.  კოალიციამ ახალ მთავრობას  საკუთარი შეხედულებები და რეკომენდაციები წარუდგინა აღნიშნულ თემებზე, გარდა ამისა გააკეთა კომენატარი იუსტიციის სამინისტროს მიერ შეთავაზებულ საკანონმდებლო ცვლილებებზეც.  იუსტიციის მინისტრის მოადგილემ განმარტა სამინისტროს მიერ შემუშავებული ცვლილებები „საერთო სასამართლოების შესახებ“ საქართველოს ორგანულ კანონში, რომელთაც სამინსიტრო მალე პარალამენტს წარუდგენს.  მან აღნიშნა, რომ ცვლილებების უმრავლესობა  კოალიციის მიერ გამოქვეყნებული ანგარიშის  „საქართველოს მართლმსაჯულების სისტემა“ მიხედვით შემუშავდა.  ფორუმზე დამსწრე სასამართლოს წარმომადგენლები შემოთავაზებული ცვლილებების მნიშვნელოვან ნაწილს დაეთანხმდნენ, თუმცა გამოითქვა კრიტიკა იუსტიციის უმაღლესი საბჭოს სტრუქტურასა და წევრების დანიშვნის პროცედურებთან დაკავშირებულ ცვლილებებზე.
    ვრცლად..
  • 2012
    26
    ნოე

    USAID JILEP იურიდიული ბიბლიოთეკის ხელშეწყობის პროგრამის ინიციატორია

    13 ნოემბერს, USAID-ის მართლმსაჯულების დამოუკიდებლობისა და სამართლებრივი გაძლიერების პროექტმა დაიწყო ქართული იურიდიული ბიბლიოთეკების განვითარების პროგრამა.  პროგრამის მიზანია საქართველოს სამართლის სკოლებთან არსებული იურიდიული ბიბლიოთეკების ხელშეწყობა.  პროგრამა დაიწყო JILEP-ის ოფისში ჩატარებული სამუშაო ღონისძიებით, სადაც ამერიკელმა და გერმანელმა ბიბლიოთეკის ექპერტებმა მონაწილეებს გაუზიარეს თანამედროვე იურიდიული ბიბლიოთეკის განვითარების გამოცდილებები. ღონისძიებას ქართული სამართლის სკოლის 14 წარმომადგენელი ესწრებოდა.  14-16 ნოემბერს, აღნიშნულმა უცხოელმა ექპერტებმა, თბილისში არსებული რამდენიმე იურიდიული ბიბლიოთეკა მოინახულეს და შეაფასეს; ისინი შეხვდნენ ბიბლიოთეკის თანამშრომლებს  და მიიღეს პირველადი ინფორმაცია ქართულ იურიდიულ ბიბლიოთეკებში არსებულ სირთულეებთან დაკავშირებით. JILEP-მა ასევე ჩამოაყალიბა და სკოლებს გადასცა „კვლევა ბიბლიოთეკების საჭიროებების შესახებ“. კვლევის შედეგები და ექსპერტების რეკომენდაციები JILEP-ს დაეხმარება ბიბლიოთეკების ხელშეწყობის პროგრამის შემდგომი ნაბიჯების განსაზღვრაში.
    ვრცლად..
  • 2012
    14
    ნოე

    JILEP-ის მხარდაჭერით თბილისის სახელმწიფო უნივერსიტეტის დავების ალტერნატიული მოგვარების ეროვნული ცენტრი სამართლის სტუდენტებისთვის კომერციული მედიაციის ლექციას აფინანსებს

    9 ნოემბერს, თბილისის სახელმწიფო უნივერსიტეტში, დავების ალტერნატიული მოგვარების ცენტრმა სამართლის სკოლის სტუდენტებს ტრენინგი ჩაუტარა თემაზე: „კომერციული მედიაციისთვის საჭირო უნარ-ჩვევები და სტრატეგიები“. ლექცია აშშ-ს პეპერდინის სამართლის სკოლის პროფესორის ასისტენტმა და სტრაუსის დავების ალტერნატიული მოგვარების ინსტიტუტის დირექტორის ასისტენტმა - ქალბატონმა სტეფანი ბელმა ჩაატარა.  ქალბატონი ბელი საქართველოში იმ საერთაშორისო სამართლის ექსპერტების ჯგუფის ნაწილია, რომელიც დავების ალტერნატიული მოგვარების ცენტრის დაფინანსებულ კონფერენციაზე „მედიაციის განვითარების მიმდინარე ტენდენციები“, პრეზენტაციებს ატარებდა, რაც  JILEP-ის მხარდაჭერით ჩატარდა.
    ვრცლად..
  • 2012
    14
    ნოე

    JILEP-მა მხარი დაუჭირა დავების ალტერნატიული მოგვარების ეროვნული ცენტრის ნოტარიუსების ტრენინგს მედიაციაზე

    2012 წლის 9 ნოემბერს, დავების  ალტერნატიული მოგვარების ეროვნული ცენტრისა და USAID JILEP-ის პროგრამის მხარდაჭერით,  სამ დღიანი სამუშაო შეხვედრების სერიის -  მედიაციები საქართველოს საჯარო ნოტარიუსისთვის, პირველი ტრენინგი ჩატარდა.  2012 წლის ნოემბერსა და დეკემბერში, დავების  ალტერნატიული მოგვარების ეროვნულ ცენტრს  მედიაციის ძირითადი პრინციპებში ასი საჯარო ნოტარიუსი ეყოლება დატრენინგებული.  პროგრამა, საზოგადოებაში მედიაციის შესახებ ცნობიერების ამაღლების კამპანიის ნაწილია რომელიც მხარს უჭერს JILEP-ის ძალისხმევას საქართველოში მედიაციის სისტემების ზრდის ხელშწეყობასთან დაკავშირებით.
    ვრცლად..
  • 2012
    14
    ნოე

    JILEP მხარს უჭერს საქართველოს ადვოკატთა ასოციაციის საგანმანათლებლო საბჭოს ასოციაციის ტრენინგ ცენტრის სტრატეგიული გეგმის შემუშავებაში

    9-11 ნოემბერის გასვლით ღონისძიებაზე, JILEP-ის იურიდიული განათლებისა და ადვოკატთა ასოციაციის ინსტიტუციური გაძლიერების კონსულტანტი ტონი ფისერი, საქართველოს ადვოკატთა ასოციაციის საგანმანათლებლო საბჭოს ტრენინგ ცენტრის 2 წლიანი სტრატეგიული გეგმის შემუშავებაში დაეხმარა.  საგანმანათლებლო საბჭო შედგება ასოციაციის კომიტეტების თავმჯდომარეებისგან, ადვოკატთა ასოციაციის აღმასრულებელი საბჭოსა და ეთიკის კომისიის წევრებისგან.  ღონისძიებაზე, ექსპერტი საბჭოს ტრენინგ ცენტრის სტრატეგიული გეგმის „მისიის“ განსაზღვრასა და პრიორიტეტული მიზნების და აქტივობების ჩამონათვალის გაკეთებაში დაეხმარა. მიზნები მოიცავს: განგრძობადი იურიდიული განათლების ტრენერებისა და ტრენინგ პროგრამების შერჩევის რაციონალური კრიტერიუმი ჩამოყალიბებას, ადვოკატთა ასოციაციის საგამოცდო სისტემის გაუმჯობესებას, ისევე როგორც ტრენინგ ცენტრის მოდერნიზაციას და საზოგადოების ცნობიერების ამაღლების მიზნით გეგმის შემუშავებას, რომელიც ტრენინგ ცენტრის შესახებ ასოციაციის წევრებისა და საზოგადოების უკეთეს ინფორმირებულობას უზრუნველყოფს.
    ვრცლად..
  • 2012
    12
    ნოე

    JILEP მხარს უჭერს საერთაშორისო აკადემიურ კონფერენციას მედიაციაზე

    ამა წლის 6-8 ნოემბერს, მართლმსაჯულების დამოუკიდებლობისა და სამართლებრივი გაძლიერების პროექტის გრანტის ფარგლებში, თბილისის სახელმწიფო უნივერსისტეტმა ჩაატარა კონფერენცია თემაზე „მედიაციის განვითარების მიმდინარე ტენდენციები“.  კონფერენციის სპიკერებს შორის იყვნენ, ამერიკის, ევროპის და ისრაელის მედიაციის ინსტიტუტების წამყვანი ექსპერტები, ასევე ქართველი მედიაციის ექსპერტები, ვინც აქტიურად მონაწილეობენ JILEP-ის დაფინანსებულ, მედიაციის საპილოტე პროექტში.  კონფერენციის თემა იყო სახელმწიფოს როლი მედიაციის განვითარებაში,  დავების ალტერნატიული მოგვარების ცენტრის პედაგოგიკასთან დაკავშირებული პრობლემები,  მედიაციის ფსიქოლოგიული ასპექტები და „მედიაციის რეალობა საქართველოში“.

    ვრცლად..
USAID
Top of Page