შეამოწმეთ თქვენი ცოდნა

შეამოწმეთ თქვენი ცოდნა

საქართველოს იუსტიციის უმაღლესი საბჭო

საქართველოს იუსტიციის უმაღლესი საბჭო

იუსტიციის უმაღლესი სკოლა

იუსტიციის უმაღლესი სკოლა

საქართველოს ადვოკატთა ასოციაცია

საქართველოს ადვოკატთა ასოციაცია

საქართველოს საერთო სასამართლოების მოსამართლეთა სადისციპლინო კოლეგია

საქართველოს საერთო სასამართლოების მოსამართლეთა სადისციპლინო კოლეგია

კოალიცია დამოუკიდებელი და გამჭვირვალე მართლმსაჯულებისათვის

კოალიცია დამოუკიდებელი და გამჭვირვალე მართლმსაჯულებისათვის

ბიზნეს სამართლის ეროვნული ცენტრი

ბიზნეს სამართლის ეროვნული ცენტრი

დავის ალტერნატიული გადაწყვეტის ეროვნული ცენტრი

დავის ალტერნატიული გადაწყვეტის ეროვნული ცენტრი

საარბიტრაჟო ინიციატივა საქართველო

საარბიტრაჟო ინიციატივა საქართველო

სიახლეები

  • 2017
    06
    დეკ

    EWMI/PROLoG მხარს უჭერს ტრენინგს საოჯახო მედიაციაში

    27-29 ნოემბერს ამერიკის შეერთებული შტატების საერთაშორისო განვითარების სააგენტოს (USAID) მიერ დაფინანსებული EWMI/PROLoG-ის გრანტის „მედიაციის შესახებ ცნობიერების ამაღლების პროგრამა“ ფარგლებში, თბილისის სახელმწიფო უნივერსიტეტის (თსუ) დავების ალტერნატიული გადაწყვეტის ეროვნული ცენტრის ორგანიზებით გაიმართა სამ-დღიანი სასერთიფიკაციო ტრენინგი საოჯახო მედიაციაში ადვოკატებისა და სხვა დაინტერესებული პირებისთვის. ტრენინგს დავების ალტერნატიული გადაწყვეტის ეროვნული ცენტრის ექსპერტები გიორგი ცერცვაძე, სოფო ჩაჩავა და ნათია ჩიტაშვილი უძღვებოდნენ.   

    ტრენინგი დაეთმო მედიაციის უპირატესობების განხილვას და სპეციფიკურად საოჯახო მედიაციის თავისებურებებზე გაამახვილა ყურადღება. ტრენინგის 27-მა მონაწილემ მიიღო ცოდნა და შესაბამისი უნარები თუ როგორ წარმართონ მედიაციის პროცესი და როგორ მიიყვანონ მხარეები კონსესუსამდე ისეთ რთულ საქმეებში როგორიც არის ქონებრივი დავები განქორწინებისას, მეურვეობის საკითხები და სხვა.

    ტრენინგი მოიცავდა ლექციებს, პრაქტიკულ სავარჯიშოებსა და როლურ თამაშებს; ასევე კომუნიკაციის სტრატეგიის სავარჯიშოებსა და წვრთნის ელემენტებს რათა მონაწილეებმა მომავალში უკეთ წარმართონ მედიაციის პროცესი.  

    ვრცლად..
  • 2017
    06
    დეკ

    EWMI/PROLoG მხარს უჭერს ადამიანის უფლებებში იმიტირებულ სასამართლო პროცესების შეჯიბრს სტუდენტებისთვის

    18-19 ნოემბერს ამერიკის შეერთებული შტატების საერთაშორისო განვითარების სააგენტოს (USAID) მიერ დაფინანსებული EWMI/PROLoG-ის გრანტის ფარგლებში, თბილისის თავისუფალი უნივერსიტეტის ადამიანის უფლებების ეროვნულმა ინსტიტუტმა ორგანიზება გაუწია რიგით მეორე ადამიანის უფლებათა შეჯიბრს იმიტირებულ სასამართლო პროცესებში სტუდენტებისთვის. შეჯიბრის თემა იყო სიძულვილის ენა და ჰოლოკოსტის უარყოფა. სტუდენტური გუნდები წარმოადგენდნენ მოსარჩელე და მოპასუხე მხარეს საქართველოს საკონსტიტუციო სასამართლოში.

    შეჯიბრზე 53 სტუდენტური გუნდი დარეგისტრირდა, რომელთაგან წერილობითი განაცხადების წარდგენის შემდეგ შეჯიბრის ზეპირ რაუნდებში უმაღლესი შეფასების მქონე რვა გუნდი გადავიდა. შეჯიბრი საქართველოს უზენაეს სასამართლოში ჩატარდა, სადაც ფინალში ერთმანეთს თბილისის სახელმწიფო უნივერსიტეტისა და თბილისის თავისუფალი უნივერსიტეტის გუნდები დაუპირისპირდნენ, გამარჯვება კი თბილისის სახელმწიფო უნივერსიტეტის გუნდმა მოიპოვა. შეჯიბრის მონაწილეებს სხვადასხვა საჩუქრები და სერთიფიკატები გადაეცათ, ხოლო გამარჯვებული გუნდის წარმომადგენლები სტაჟირებას საქართველოს საკონსტიტუციო სასამართლოსა და არასამთავრობო ორგანიზაცია „საქართველოს დემოკრატიული ინიციატივა“-ში გაივლიან.  

    ვრცლად..
  • 2017
    01
    დეკ

    EWMI/PROLoG-ის მხარდაჭერილმა ადამიანის უფლებათა მიმართულების ხელმძღვანელმა ილიას სახელმწიფო უნივერსიტეტში უმასპინძლა დისკუსიას სოკრატეს მეთოდით გენდერული დისკრიმინაციის შესახებ სახალხო დამცველის სპეციალური ანგარიშის მიხედვით

    27 ნოემბერს, ილიას სახელმწიფო უნივერსიტეტის სამართლის სკოლამ, USAID-ის მიერ დაფინანსებულ პროგრამასთან „კანონის უზენაესობის მხარდაჭერა საქართველოში“ (PROLoG) და საქართველოს უნივერსიტეტთან თანამშრომლობით, ქალთა მიმართ ძალადობის წინააღმდეგ ბრძოლის 16 დღიანი აქტივიზმის საერთაშორისო კამპანიის ფარგლებში გამართა დისკუსია სოკრატეს მეთოდით თემაზე: გენდერული ძალადობა სახალხო დამცველის სპეციალური ანგარიშის მიხედვით. დისკუსიაში მონაწილეობდნენ თამარ გურჩიანი (ილიას სახელმწიფო უნივერსიტეტის ასოცირებული პროფესორი და ადამიანის უფლებათა მიმართულების ხელმძღვანელი), ეკატერინე სხილაძე (სახალხო დამცველის მოადგილე და ასევე საქართველოს უნივერსიტეტისა და ილიას უნივერსიტეტის საჯარო სამართლისა და პოლიტიკის მაგისტრატურის სტუდენტები - ანა ლაცაბიძე, გიორგი ჭყობერია და თამარ ბარამაშვილი.

    სტუდენტებმა და მოწვეულმა სპიკერებმა განიხილეს სახალხო დამცველის უახლესი ანგარიშები და ყურადღება გენდერულ დისკრიმინაციზე გაამახვილეს. მათ ასევე განიხილეს შემდეგი შეკითხვები: კერძო სექტორზე ზემოქმედების რა ბერკეტები აქვს სახალხო დამცველს? სახალხო დამცველის რეკომენდაციების უმეტესობა უპასუხოდ რჩება, როგორ უნდა იმოქმედოს საქართველოს პარლამენტმა? რა სიახლეებია გათვალისწინებული ახალ კონსტიტუციაში სახალხო დამცველის ინსტიტუტთან დაკავშირებით? როგორ ხდება გენდერული დისკრიმინაციის საქმეების სამართალწარმოება ევროპულ ქვეყნებში    

    ვრცლად..
  • 2017
    01
    დეკ

    PROLoG-ის მხარდაჭერით ჩატარდა EHRAC-ის მესამე ტრენინგი

    2017 წლის 28-30 ნოემბერს USAID-PROLoG-ის მიერ დაფინანსებული მენტორობის პროგრამის ფარგლებში, რომელიც განკუთვნილია იურიდიული დახმარების სფეროში მომუშავე არასამთავრობო ორგანიზაციების ადვოკატთათვის ადამიანის უფლებათა ადვოკატირების ევროპული ცენტრის (EHRAC) წარმომადგენლებმა 3 დღიანი ტრენინგი ჩაატარეს. ტრენინგი ემსახურებოდა იურიდიული დახმარების განმახორციელებელი იურისტების უნარების გაძლიერებას რათა მათ უკეთ შეძლონ ადამიანის უფლებათა ევროპულ სასამართლოში (ECtHR) სტრატეგიულად მნიშვნელოვანი საქმეების წარმოება. აღნიშნული ტრენინგი ჩატარდა თბილისში, სასტუმრო ჰოლიდეი ინში და ძირითადად მოწმეთა ჩვენებების განხილვაზე იყო ფოკუსირებული.

    მენტორობის პროგრამის მესამე ტრენინგზე, ექსპერტებმა და ტრენინგის მონაწილეებმა მიმოიხილეს მათ მიერ EHRAC-ის წინა ტრენინგზე განაწილებული ქალთა მიმართ ძალადობის შესახებ საქმეები და გააკეთეს პრეზენტაციები, ხანგრძლივი დისკუსიების შემდეგ მოახდინეს თითოეული საქმის ფაქტობრივი გარემოებების გათვალისწინებით შესაბამისი სამართლებრივი საშუალებების იდენტიფიცირება. ამჯერად ტრენინგის მნიშვნელოვან ნაწილს წარმოადგენდა ინდივიდუალური იურიდიული კლინიკები, რომლის ფარგლებში მუშაობის შესაძლებლობაც მიეცა თითოეულ ორგანიზაციას, სადაც მათ განიხილეს მიმდინარე საქმეები EHRAC-ის წარმომადგენლებთან ერთად და მიიღეს რჩევები და რეკომენდაციები. ტრენინგის დასასრულს ექსპერტებმა იურისტებს სპეციალური სავარჯიშოები მისცეს შემდგომი ტრენინგისთვის მოსამზადებლად, რომელიც სავარაუდოთ ივნისში ჩატარდება.

    ვრცლად..
  • 2017
    29
    ნოე

    EWMI/PROLoG მხარს უჭერს მეხუთე ეროვნულ სტუდენტურ შეჯიბრს მედიაციაში

    23-26 ნოემბერს, ამერიკის შეერთებული შტატების საერთაშორისო განვითარების სააგენტოს (USAID) მიერ დაფინანსებული EWMI/PROLoG-ის გრანტის „მედიაციის შესახებ ცნობიერების ამაღლების პროგრამა“ ფარგლებში, თბილისის სახელმწიფო უნივერსიტეტის (თსუ) დავების ალტერნატიული გადაწყვეტის ეროვნული ცენტრის ორგანიზებით გაიმართა მეხუთე ეროვნული სტუდენტური ტრენინგი და შეჯიბრი კომერციულ მედიაციაში წარმომადგენლობაზე.  შეჯიბრში მონაწილეობას რვა გუნდი ღებულობდა, თბილისის სახელმწიფო, თბილისის ღია, თბილისის სასწავლო და ნიუ ვიჟენის უნივერსიტეტებიდან, ასევე სამი რეგიონული უნივერსიტეტიდან - ქუთაისის აკაკი წერეთლის სახელმწიფო უნივერსიტეტი, ბათუმის შოთა რუსთაველის სახელმწიფო უნივერსიტეტი და სამცხე-ჯავახეთის სახელმწიფო უნივერსიტეტი. შეჯიბრის წინარე ტრენინგს უძღვებოდნენ სასამართლო-მედიატორი - ალექსანდრე წულაძე და დავების ალტერნატიული გადაწყვეტის ეროვნული ცენტრის აღმასრულებელი დირექტორი ნათია ჩიტაშვილი. შეჯიბრში მსაჯების და მედიატორების როლში მონაწილეობა მიიღეს თბილისის საქალაქო სასამართლოს მედიაციის ცენტრის, ასევე საქართველოს მედიატორთა ასოციაციის, საარბიტრაჟო ინსტიტუტების, უმაღლესი სასწავლებლებისა და საქართველოს უზენაესი სასამართლოს წარმომადგენლებმა.

    შეჯიბრში გამარჯვება თსუ-ს გუნდმა “Peacemakers” მოიპოვა, ხოლო მეორე ადგილზე ნიუ ვიჟენის უნივერსიტეტის გუნდი გავიდა. მესამე ადგილის მფლობელი გახდა სამცხე-ჯავახეთის სახელმწიფო უნივერსიტეტი, ხოლო მეოთხე - თბილისის სასწავლო უნივერსიტეტი. შეჯიბრსა და მოსამზადებელ ტრენინგში მონაწილეობა სულ 32-მა სტუდენტმა მიიღო, რომელთაც გაიუმჯობესეს საკუთარი ცოდნა მედიაციის საკითხებში და ადვოკატირების  პრაქტიკული უნარები შეიძინეს. 

    ვრცლად..
  • 2017
    29
    ნოე

    EWMI/PROLoG მხარდაჭერილმა ადამიანის უფლებათა მიმართულების ხელმძღვანელმა ილიას სახელმწიფო უნივერსიტეტში უმასპინძლა დისკუსიას სოკრატეს მეთოდით მედიაში ქალთა მიმართ ნეგატიური სტერეოტიპებისა და ცრურწმენების შესახებ

    24 ნოემბერს, ილიას სახელმწიფო უნივერსიტეტის სამართლის სკოლამ, USAID-ის მიერ დაფინანსებულ პროგრამასთან „კანონის უზენაესობის მხარდაჭერა საქართველოში“(PROLoG), ქალთა მიმართ ძალადობის წინააღმდეგ ბრძოლის 16 დღიანი აქტივიზმის საერთაშორისო კამპანიის ფარგლებში გამართა დისკუსია სოკრატეს მეთოდით თამარ გურჩიანთან (ილიას სახელმწიფო უნივერსიტეტის ასოცირებული პროფესორი და ადამიანის უფლებათა მიმართულების ხელმძღვანელი), თამარ კინწურაშვილთან (მედიის განვითარების ფონდის დირექტორი) და ნატა ძველიშვილთან (ჟურნალისტური ეთიკის ქარტიის აღმასრულებელი დირექტორი) ერთად. დისკუსიაში ასევე მონაწილეობდნენ ილიას სახელმწიფო უნივერსიტეტის საჯარო სამართლისა და პოლიტიკის სამაგისტრო პროგრამის სტუდენტები - გვანცა ხონელიძე, მარიამ ლელაშვილი და თამარ კაპანაძე. 

    სტუდენტებმა და სპიკერებმა განიხილეს შემდეგი საკითხები: როგორ ვებრძოლოთ მედიაში არსებულ სექსიზმს, ნეგატიურ სტერეოტიპებსა და ცრურწმენებს ქალთა მიმართ? როგორ ფუნქციონირებენ თვითრეგულირებადი ორგანოები და შეუძლიათ თუ არა მათ თანასწორობის პრინციპის დაცვა? აღნიშნული ორგანოების მნიშვნელოვანი გადაწყვეტილებები და ჟურნალისტთა ეთიკის ქარტიის გადაწყვეტილებები; როგორ დავიცვათ ბალანსი სიტყვისა და გამოხატვის თავისუფლებასა და გენდერული თანასწორობის წახალისებას შორის? საჯარო დისკუსიას 13 სტუდენტი ესწრებოდა.

    ვრცლად..
  • 2017
    22
    ნოე

    TDI იწყებს მულტიმედია პლატფორმას - მრავალფეროვნების სახეები

    2017 წლის 17 ნოემბერს გაიმართა USAID-ის მიერ დაფინანსებული EWMI/PROLoG-ის ცნობიერების ამაღლების პროექტის „მრავალფეროვნებისა და ინტერ-რელიგიური დიალოგის ხელშეწყობა, უმცირესობებისა და ქალების გაძლიერება“ და მულტიმედია პლატფორმის მრავალფეროვნების სახეების პრეზენტაცია, რომელსაც ახორციელებს ტოლერანტობისა და მრავალფეროვნების ინსტიტუტი (TDI). პროექტის მიზანს წარმოადგენს რელიგიური და ეთნიკური უმცირესობების დისკრიმინაციასთან დაკავშირებული საკითხების, ისევე როგორც საქართველოში მცხოვრები უცხო ქვეყნის მოქალაქეების პრობლემებზე საზოგადოების ცნობიერების ამაღლება და ამ ჯგუფების წარმომადგენლების მხარდაჭერა და წახალისება.

    მულტიმედია პლატფორმა მოგვითხრობს საქართველოს რელიგიური და ეთნიკური მრავალფეროვნების შესახებ, გვაცნობს საინტერესო ადამიანებს და გვამოგზაურებს საქართველოს სხვადასხვა კუთხეში.

    პრეზენტაციისას TDI-მ წარმოადგინა ორი დოკუმენტური ვიდეო, ჰურიე და ბიბლია ჟესტების ენაზე. ვიდეო გვიამბობს მუსლიმი გოგოს ჰურიეს შესახებ რომელიც წარმოშობით მაღალმთიან აჭარიდან არის და იეჰოვას მოწმეების შესახებ რომლებიც ბიბლიას ჟესტების ენაზე სწავლობენ. ჩვენების შემდეგ გაიმართა დისკუსია ვიდეოს გმირების და დაინტერესებული აუდიტორიის მონაწილეობით.

    ვრცლად..
  • 2017
    07
    ნოე

    EWMI/PROLoG მხარს უჭერს აკადემიურ კონფერენციას 2017 წლის საკონსტიტუციო რეფორმის შესახებ

    3 ნოემბერს ამერიკის შეერთებული შტატების საერთაშორისო განვითარების სააგენტოს (USAID) მიერ დაფინანსებული EWMI/PROLoG-ის გრანტის ფარგლებში, თბილისის თავისუფალი უნივერსიტეტის ადამიანის უფლებათა ეროვნულმა ინსტიტუტმა ორგანიზება გაუწია აკადემიურ კონფერენციას საქართველოს 2017 წლის საკონსტიტუციო რეფორმის შესახებ. კონფერენცია ეძღვნებოდა იმ სადავო საკითხებს, რომლებმაც ყველაზე დიდი აზრთა სხვადასხვაობა გამოიწვია საზოგადოებაში.   კონფერენციაზე განხილული საკითხები მოიცავდა მართლმსაჯულების სისტემისა და საკონსტიტუციო კონტროლის ახალ მოწესრიგებას, განახლებულ ადამიანის უფლებათა თავს კონსტიტუციაში და საარჩევნო სისტემის, პარლამენტის როლისა და ძალთა ბალანსის საკითხებს. კონფერენციაზე მომხსენებლებს შორის იყვნენ საკონსტიტუციო სასამართლოს ყოფილი მოსამართლეები კონსტანტინე ვარძელაშვილი და ქეთევან ერემაძე, საქართველოს პრეზიდენტის საპარლამენტო მდივანი - ანა დოლიძე, იუსტიციის უმაღლესი საბჭოს წევრი - ნაზი ჯანეზაშვილი, ასევე სახელმწიფო საკონსტიტუციო კომისიის წევრები ვახუშტი მენაბდე და ვახტანგ ხმალაძე. კონფერენციას 70-ზე მეტი სტუდენტი და სამართლის პროფესორი, არასამთავრობო ორგანიზაციების წარმომადგენლები და საკონსტიტუციო სასამართლოს მოქმედი მოსამართლეები ესწრებოდნენ. დამსწრეები აქტიურად ჩაერთნენ კონსტიტუციის პრობლემური მუხლებისა და მათი პრაქტიკული შედეგების განხილვაში.  

    ვრცლად..
  • 2017
    07
    ნოე

    EWMI/PROLoG მხარს უჭერს საჯარო დისკუსიას თემაზე სასამართლოს ავტორიტეტი თუ გამოხატვის თავისუფლება

    25 ოქტომბერს ამერიკის შეერთებული შტატების საერთაშორისო განვითარების სააგენტოს (USAID) მიერ დაფინანსებული EWMI/PROLoG-ის გრანტის ფარგლებში, თბილისის თავისუფალი უნივერსიტეტის ადამიანის უფლებათა ეროვნულმა ინსტიტუტმა გამართა საჯარო დისკუსია თემაზე „სასამართლოს ავტორიტეტი თუ გამოხატვის თავისუფლება.“ საჯარო დისკუსიის მომხსენებლები იყვნენ იუსტიციის უმაღლესი საბჭოს ყოფილი წევრი, ევა გოცირიძე და ინფორმაციის თავისუფლების განვითარების ინსტიტუტის, კანონის უზენაესობის მიმართულების ხელმძღვანელი გიორგი ბერაია. დისკუსიის დროს ევა გოცირიძემ ისაუბრა სასამართლოს ავტორიტეტის დაცვისთვის დამატებითი საკანონმდებლო შეზღუდვების დაწესების აუცილებლობაზე, ხოლო გიორგი ბერაიამ ყურადღება გაამახვილა იმ რისკებზე, რომელსაც აღნიშნული რეგულაციები შეიცავს გამოხატვის თავისუფლების შეზღუდვისთვის. მომხსენებლებმა წარმოადგინეს თავიანთი არგუმენტები, ისაუბრეს საერთაშორისო გამოცდილებასა და საქართველოში არსებულ გამოწვევებზე.   

    ვრცლად..
  • 2017
    01
    ნოე

    PROLoG მხარდაჭერილმა იურიდიული ეთიკის მიმართულების ხელმძღვანელმა ეთიკის საკითზებზე საჯარო ლექციას უმასპინძლა

    28 ოქტომბერს USAID/PROLoG-ის მხარდაჭერილმა იურიდიული ეთიკის მიმართულების ხელმძღვანელმა ნიუ ვიჟენის უნივერისტეტში უმასპინძლა საჯარო დისკუსიას თემაზე „იურიდიული ეთიკის გამოწვევები საქართველოში“.  საჯარო ლექციას უძღვებოდნენ იურიდიული ეთიკის სპეციალისტები ანა ლორია და ირაკლი კორძახია, რომლებმაც ისაუბრეს შემდეგ საკითხებზე: ა) ინტერესთა კონფლიქტი ადვოკატებს, მოსამართლეებსა და პროკურორებს შორის; ბ) ეთიკის კოდექსის მოქმედების ფარგლები; და, გ) ადვოკატის ჰონორარის რეგულირების საკითხები. ლექციას ესწრებოდნენ სტუდენტები, ადვოკატები, ნიუ ვიჟენის უნივერსიტეტის ლექტორები და სხვა უნივერსიტეტის წარმომადგენლები, რომლებიც აქტიურად იყვნენ ჩართული ლექციის შემდგომ გამართულ დისკუსიაში. აუდიტორიის განსაკუთრებული ყურადღება ლექციის დროს განხილულმა საქართველოს ადვოკატთა ასოციაციის ეთიკის კომისიის მიმდინარე საქმეებმა გამოიწვია. 

    ვრცლად..
<< 2 3 4 5 6 >>
USAID
Top of Page