სიახლეები

• 2018

  26

  იან

  USAID/PROLoG-ის გაცვლითი სასწავლო პროგრამების პრეზენტაცია მოსამართლეთა კონფერენციაზე

  

  2018 წლის 20 იანვარს, იუსტიციის უმაღლეს სკოლაში, მოსამართლეთა XXII კონფერენცია ჩატარდა, რომელშიც მონაწილეობა 310 მოსამართლიდან, 268 მოსამართლემ მიიღო. ღონისძიებას არასამთავრობო, საერთაშორისო ორგანიზაციებისა და მედიის წარმომადგენლები ესწრებოდნენ.

  კონფერენცია საქართველოს უზენაესი სასამართლოსა და იუსტიციის უმაღლესი საბჭოს თავმჯდომარე ნინო გვენეტაძისა და იუსტიციის უმაღლესი საბჭოს მდივნის გიორგი მიქაუტაძის ყოველწლიური ანგარიშის წარდგენით გაიხსნა.

  მოსამართლეთა კონფერენციაზე აშშ-ის განვითარების საერთაშორისო სააგენტოს დემოკრატიის მმართველობის და სოციალური განვითარების ოფისის დირექტორის მოვალეობის შემსრულებელმა ლორა ბერგერმა და PROLoG-ის ხელმძღვანელის მოადგილე ნილ ვაინშტაინმა სამოქალაქო და ადმინისტრაციული სპეციალიზაციის მქონე მოსამართლეთა გაცვლითი სასწავლო პროგრამების შესახებ პრეზენტაცია წარმოადგინეს. აღნიშნული პროგრამების მიზანია მოსამართლეთა პროფესიული შესაძლებლობების შემდგომი გაძლიერება, რაც ხელს შეუწყობს მოსამართლეთა მიერ თავიანთი საქმიანობის უფრო ეფექტურად წარმართვას და სხვადასხვა სფეროში, როგორიცაა ლიდერობა, სასამართლო ეთიკა და დისციპლინა, ცვლილებების მართვა, უნარ-ჩვევების შეძენას.

  აღნიშნული აქტივობის ფარგლებში იგეგმება ქართველი მოსამართლეების რამდენიმე ვიზიტი ამერიკის შეერთებულ შტატებში, სადაც ქართველ მოსამართლეებს ექნებათ შესაძლებლობა პირისპირ შეხვდნენ და იმუშავონ ამერიკელ მოსამართლეებთან, სასამართლოს მენეჯერებთან და სამართლის მკვლევარებთან. სასწავლო ვიზიტების სერიის გარდა, აქტივობები მოიცავს ტრენინგებს აშშ-ს სამოსამართლო კოლეჯში და ამერიკელ მოსამართლეზე დაკვირვებით სწავლებას. 2020 წლამდე იგეგმება დაახლოებით 100 სამოქალაქო და ადმინისტრაციული სპეციალიზაციის მქონე ქართველი მოსამართლის ვიზიტი აშშ-ში. მონაწილეების შერჩევა მოხდება საქართველოს ყველა სასამართლოდან მათი გამოცდილების შესაბამისად. ასევე, დიდი ყურადღება დაეთმობა იმას, თუ როგორ გამოიყენებენ და გაავრცელებენ მიღებულ ცოდნას/გამოცდილებას მონაწილეები საქართველოში დაბრუნების შემდეგ. პირველი სასწავლო ვიზიტი დაგეგმილია 2018 წლის აპრილში ნიუ-იორკსა და ვაშინგტონში. აღნიშნული ვიზიტის შესახებ ინფორმაცია შეგიძლიათ იხილოთ შემდეგ ლინკზე: http://jobs.ge/164119/

  ვრცლად..
• 2017

  28

  დეკ

  შეფასებისა და გამოცდების ეროვნული ცენტრი USAID/PROLoG-ის მხარდაჭერით მოსამართლეთა საკვალიფიკაციო გამოცდის ტესტების შემდგენთა ჯგუფს ამზადებს

  

  25-26 დეკემბერს, USAID/PROLoG-ის მხარდაჭერით იუსტიციის უმაღლესი საბჭოს მიერ შერჩეული ექსპერტების ჯგუფისათვის, რომელთაც მოსამართლეთა საკვალიფიკაციო გამოცდის ტესტები უნდა მოამზადონ, სპეციალური ტრენინგების ციკლი დაიწყო.

  შეფასებისა და გამოცდების ეროვნული ცენტრი (NAEC) სპეციალური ექსპერტიზის მქონე ორგანიზაციაა, რომელსაც ტესტების მომზადებისა და სწავლების, ასევე ფართომასშტაბიანი გამოცდების ორგანიზების უნიკალური გამოცდილება აქვს.

  ერთთვიანი ტრენინგის ფარგლებში ოცდაათამდე ექსპერტი გაეცნობა ტესტების წერის თანამედროვე მეთოდოლოგიას, შეისწავლის კითხვის შინაარსის ვალიდირებისა და ტესტის კონსტრუირების, ქულათა სქემის შემუშავების თანამედროვე სტანდარტებს ინდივიდუალური და ჯგუფური მუშაობის გზით.

  აქტივობა USAID/PROLoG-ს მიერ იუსტიციის უმაღლესი საბჭოს ინსტიტუციური მხარდაჭერის ფარგლებში ხორციელდება. 

  ვრცლად..
• 2017

  28

  დეკ

  USAID/PROLoG მხარს უჭერს ბიზნეს სამართლის იმიტირებული სასამართლო პროცესების სტუდენტურ შეჯიბრს

  

  23-24 დეკემბერს ამერიკის შეერთებული შტატების საერთაშორისო განვითარების სააგენტოს (USAID) მიერ დაფინანსებული EWMI/PROLoG-ის გრანტის ფარგლებში, თბილისის თავისუფალი უნივერსიტეტის ორგანიზებით გაიმართა 2017 წლის იმიტირებული სასამართლო პროცესების სტუდენტური შეჯიბრი ბიზნეს სამართალში.  შეჯიბრი უკვე მეექვსედ ტარდება თავისუფალი უნივერსიტეტის მიერ და ის საშუალებას აძლევს სტუდენტებს გაიღრმავონ ბიზნეს სამართლის კომპლექსურ საკითხებში თეორიული ცოდნა და ასევე დახვეწონ ისეთი პრაქტიკული უნარ-ჩვევები, როგორიცაა წერილობითი არგუმენტაცია და ზეპირი გამოსვლის უნარები.  

  შეჯიბრზე 22 სტუდენტური გუნდი დარეგისტრირდა, რომელთაგან წერილობითი განაცხადების შეფასების შემდეგ ზეპირ რაუნდებში 8 უმაღლესი შეფასების მქონე გუნდი გადავიდა. შეჯიბრი საქართველოს უზენაეს სასამართლოში გაიმართა და მასში მონაწილეობას იღებდნენ თბილისის სახელმწიფო უნივერსიტეტის, თავისუფალი უნივერსიტეტის, საქართველოს საზოგადოებრივ საქმეთა ინსტიტუტის, კავკასიის უნივერსიტეტის და ერთი რეგიონული უნივერსიტეტის - ქუთაისის აკაკი წერეთლის სახელობის სახელმწიფო უნივერსიტეტის გუნდები. ფინალში თავისუფალი და კავკასიის უნივერსიტეტების გუნდები დაუპირისპირდნენ ერთმანეთს, ხოლო გამარჯვება თავისუფალი უნივერსიტეტის გუნდმა მოიპოვა. შეჯიბრის მონაწილეებს სერთიფიკატები და სხვა წამახალისებელი პრიზები გადაეცათ. 

  ვრცლად..
• 2017

  14

  დეკ

  EWMI/PROLoG მხარს უჭერს ადამიანის უფლებების სამართლის ყოველწლიურ საუნივერსიტეტო კვირეულს

  

  4-11 დეკემბერს ამერიკის შეერთებული შტატების საერთაშორისო განვითარების სააგენტოს (USAID) მიერ დაფინანსებული EWMI/PROLoG-ის გრანტის ფარგლებში თბილისის თავისუფალმა უნივერსიტეტმა, ექვსი სხვა წამყვანი უნივერსიტეტის სამართლის სკოლასთან თანამშრომლობით ორგანიზება გაუწია ადამიანის უფლებების სამართლის საუნივერსიტეტო კვირეულს. ადამიანის უფლებების სამართლის კვირეული ყოველწლიურად იმართება, ადამიანის უფლებათა საერთაშორისო დღის - 10 დეკემბრის აღსანიშნავად და მოიცავს დისკუსიებს ადამიანის უფლებათა ადგილობრივი და საერთაშორისო საკითხების შესახებ, რომელიც აქტუალურია საქართველოს იურიდიული საზოგადოებისთვის. ადამიანის უფლებების სამართლის საუნივერსიტეტო კვირეულის ძირითადი მიზანია ადამიანის უფლებათა საკითხებზე სტუდენტებსა და ახალგაზრდა იურისტებში ცნობიერების ამაღლება და ამ მიმართულებით უფრო აქტიური აკადემიური დისკუსიების წახალისება.

  ვრცლად..
• 2017

  14

  დეკ

  EWMI/PROLoG მხარს უჭერს კლიენტთა კონსულტირების ტრენინგს ადვოკატებისთვის

  

  2 დეკემბერს ამერიკის შეერთებული შტატების საერთაშორისო განვითარების სააგენტოს (USAID) მიერ დაფინანსებული EWMI/PROLoG-ის გრანტის ფარგლებში თბილისის თავისუფალ უნივერსიტეტში გაიმართა ტრენინგი ადვოკატებისთვის კლიენტთა კონსულტირების საკითხებში.  ტრენინგს უძღვებოდნენ გამოცდილი ადვოკატები სანდრო ბიბილაშვილი და ლიკა კვანტალიანი, რომლებმაც ყურადღება გაამახვილეს კლიენტთან პირველი ინტერვიუს მნიშვნელობაზე, მიმოიხილეს ინტერვიუს ჩატარების სხვადასხვა მეთოდები და ინტერვიუს სტრუქტურა;  მათ ასევე განიხილეს პროფესიული ეთიკის ისეთი საკითხები, როგორიცაა ინტერესთა კონფლიქტი, კონფიდენციალობისა და ანაზღაურების საკითხები.  

  ტრენინგის მეორე ნახევარი დაეთმო როლურ თამაშებს, სადაც მონაწილეებს შესაძლებლობა ჰქონდათ მიღებული ცოდნა პრაქტიკაში - კლიენტთან სიმულაციური ინტერვიუს დროს გამოეყენებინათ. ტრენინგი აკრედიტებული იყო  საქართველოს ადვოკატთა ასოციაციის განგრძობადი იურიდიული განათლების პროგრამის ფარგლებში და მას 25 ადვოკატი ესწრებოდა.

  ვრცლად..
• 2017

  14

  დეკ

  EWMI/PROLoG მხარს უჭერს საჯარო ლექციებს თავისუფალ უნივერსიტეტში ადამიანის უფლებების სამართლის საკითხებზე

  

  29 ნოემბერს ამერიკის შეერთებული შტატების საერთაშორისო განვითარების სააგენტოს (USAID) მიერ დაფინანსებული EWMI/PROLoG-ის გრანტის ფარგლებში თბილისის თავისუფალი უნივერსიტეტის ადამიანის უფლებების ეროვნულმა ინსტიტუტმა რიგით მეორე საჯარო ლექცია გამართა ადამიანის უფლებების საკითხებზე. საჯარო ლექცია ეხებოდა საქართველოში ნარკო-პოლიტიკის გამოწვევებს და საკანონმდებლო ინიციატივის განხილვას, რომელიც საქართველოს პარლამენტში განიხილება. საჯარო ლექციის მომხსენებლები იყვნენ საკანონმდებლო ინიციატივის ავტორები - „საქართველოს ნარკოპოლიტიკის ეროვნული პლატფორმის“ წევრი ორგანიზაციების წარმომადგენლები: გურამ იმნაძე (ადამიანის უფლებების სწავლებისა და მონიტორინგის ცენტრი), დავით სუბელიანი (თეთრი ხმაურის მოძრაობა) და დავით ოთიაშვილი (ალტერნატივა ჯორჯია).

  სპიკერებმა მიმოიხილეს საკანონმდებლო ინიციატივის მთავარი სიახლეები და გათვალისწინებული ცვლილებები როგორც სისხლის სამართლის კანონმდებლობის, ასევე საზოგადოებრივი ჯანდაცვის მიმართულებით. დავით სუბელიანმა ისაუბრა საკანონმდებლო პაკეტის ინიცირების და საქართველოს პარლამენტსა და მთავრობაში გადაწყვეტილების მიმღებ პირებთან მოლაპარაკებების პროცესზე, ხოლო დავით ოთიაშვილმა მიმოიხილა საქართველოში ნარკოტიკების მოხმარების ძირითადი მიმართულებები, საზოგადოებრივი ჯანდაცვის კუთხით არსებული პრობლემები და მათი გადაჭრის ის გზები, რომელსაც კანონპროექტი ითვალისწინებს. საჯარო ლექციას 20 სტუდენტი ესწრებოდა, რომლებიც აქტიურად იყვნენ დისკუსიაში ჩართულნი.

  ვრცლად..
• 2017

  14

  დეკ

  TDI-ის “მრავალფეროვნების სახეების”ვიდეო ჩვენება ქ. წნორში

  

  2017 წლის 11 დეკემბერს USAID-ის მიერ დაფინანსებული EWMI/PROLoG-ის ცნობიერების ამაღლების პროექტის „მრავალფეროვნებისა და ინტერ-რელიგიური დიალოგის ხელშეწყობა, უმცირესობებისა და ქალების გაძლიერება“ ფარგლებში ტოლერანტობისა და მრავალფეროვნების ინსტიტუტმა (TDI) ჩაატარა კინოჩვენება წნორში, კახეთის რეგიონში. აღნიშნული ვიდეოები ასახავს და მხარს უჭერს საქართველოში რელიგიურ და ეთნიკურ მრავალფეროვნებას.

  პრეზენტაციისას TDI-მ წარმოადგინა სამი დოკუმენტური ვიდეო. პირველი ვიდეო გვიამბობს მუსლიმი გოგოს ჰურიეს შესახებ, რომელიც წარმოშობით მაღალმთიან აჭარიდან არის. იგი ილიას სახელმწიფო უნივერსიტეტში ფსიქოლოგიის მიმართულებით მაგისტრატურაზე სწავლობს, უნივერსიტეტი (ბაკალავრიატი) კი თურქეთში დაამთავრა. ჰურიემ ჰიჯაბი თურქეთში თავისი ნებით, სხვისი ძალდატანების ან მოთხოვნის გარეშე დაიხურა. მას სურს განაგრძოს ჰიჯაბის ტარება, როგორც მისი რელიგიური იდენტობის ნიშნის და ასევე აგრძელებს ახალგაზრდა მუსლიმი გოგონების განათლებისთვის ბრძოლას, აყალიბებს მკითხველთა კლუბს. მეორე ვიდეო საუბრობს იეჰოვას მოწმეების შესახებ რომლებიც ბიბლიას ჟესტების ენაზე სწავლობენ. იეჰოვას მოწმეები წარმოადგენენ ერთადერთ რელიგიურ ჯგუფს, რომლებსაც მრევლთან კომუნიკაციისას ინკლუზიური მიდგომა აქვთ, ვიდეოში ასევე საუბარია დისკრიმინაციაზე რასაც ისინი ყოველდღიურად აწყდებიან და საზოგადოებაში იეჰოვას მოწმეების პოზიტიური საქმიანობის შესახებ ცნობიერების ამაღლებისკენ არის მიმართული. მესამე ვიდეო "პოლონელი მღვდელი სამცხედან" მოგვითხრობს პოლონელი მღვდლის შესახებ, რომელიც სამი წელია სამცხეში ცხოვრობს და ქართულად ქადაგებს და გვიზიარებს თავის შთაბეჭდილებებს საქართველოზე. ვიდეოები წარმოდგენილია TDI-ის მრავალფეროვნების სახეების

  ფარგლებში ვებ გვერდზე: TDI Facebook Images of Diversity.

  წნორში ჩატარებულ ღონისძიებას 25 მოსწავლე ესწრებოდა, ჩვენების შემდეგ გაიმართა დისკუსია ერთ-ერთი ვიდეოს გმირის, ჰურიე აბაშიძისა და რეჟისორის, ბესო გვენეტაძის მონაწილეობით.

  ვრცლად..
• 2017

  11

  დეკ

  EWMI/PROLoG-ი მხარს უჭერს ადამიანის უფლებების საკითხებზე ინფორმაციის გაცვლის პროცესის გაუმჯობესებას ცენტრსა და რეგიონებს შორის

  

  2017 წლის 7 დეკემბერს, ამერიკის შეერთებული შტატების საერთაშორისო განვითარების სააგენტოს (USAID) მიერ დაფინანსებული EWMI/PROLoG-ის გრანტის ფარგლებში, დემოკრატიული ჩართულობის ცენტრების ქსელმა (NCCE) საქართველოს მთავრობის ადმინისტრაციის ადამიანის უფლებათა დაცვის სამდივნოსთან (შემდგომში „სამდივნო“) ერთობლივი პროექტის „ადამიანის უფლებების საკითხებზე ინფორმაციის გაცვლის პროცესის გაუმჯობესება ცენტრსა და რეგიონებს შორის“ შედეგების პრეზენტაცია გამართა.

  პროექტი მხარს უჭერს სამდივნოს რეგიონებისთვის ადამიანის უფლებათა დაცვის სფეროში არსებულ მიდგომებზე, სტრატეგიასა და განვითარებაზე ინფორმაციის მიწოდებაში, სადაც განსაკუთრებული აქცენტი ადამიანის უფლებების დაცვის ეროვნულ სტრატეგიასა და სამოქმედო გეგმაზე კეთდება.

  ვრცლად..
• 2017

  06

  დეკ

  EWMI/PROLoG-ი საკორპორაციო სამართალში მოსამართლეთა პილოტურ ტრენინგს უჭერს მხარს

  

  EWMI/PROLoG-მა, რომელიც ამერიკის შეერთებული შტატების საერთაშორისო განვითარების სააგენტოს (USAID) მიერაა დაფინანსებული, იუსტიციის უმაღლეს სკოლასა და გერმანიის საერთაშორისო თანამშრომლობის საზოგადოებასთან (GIZ) თანამშრომლობით, მიმდინარე წლის ოქტომბერში, ნოემბერსა და დეკემბერში ორგანიზება გაუკეთა სამ ტრენინგს საკოპორაციო სამართალსა და კორპორატიულ მმართველობაზე საქართველოსა და ევროკავშირში. მოსამართლე-ტრენერების მიერ ჩატარებული ტრენინგის მიზანი იყო იმ კურსის პილოტირება, რომელიც PROLoG-ისა და GIZ-ის მიერ დაქირავებული საერთაშორისო და ადგილობრივი ექსპერტების მიერ იქნა შემუშავებული.

  ეს სამდღიანი პილოტური პროგრამა კურსის შემუშავების ბოლო ეტაპი იყო. პირველ ეტაპზე PROLoG-ისა და GIZ-ის მხარდაჭერით საკორპორაციო სამართლის კურსის შემუშავება და მოსამართლეთა ტრენინგები განხორციელდა. მეორე ეტაპის მიმდინარეობისას PROLoG-ისა და GIZ-ის მიერ მოხდა მოსამართლე-ტრენერების შერჩევა და იმ საერთაშორისო და ადგილობრივი ექსპერტების მონაწილეობით ტრენერთა ტრენინგის ჩატარება, რომლებმაც კურსი შეიმუშავეს. საბოლოო ეტაპზე, მოსამართლე-ტრენერებმა კოლეგებისთვის პირველად ჩაატარეს ტრენინგი, რითაც საკორპორაციო სამართლის კურსის პილოტირება მოხდა.

  ტრენინგებში მონაწილეობა საქართველოს სხვადასხვა სასამართლოს დაახლოებით ოცმა მოსამართლემ მიიღო. საკორპორაციო სამართლის შესახებ კურსი იუსტიციის უმაღლესი სკოლის კურიკულუმის ნაწილი იქნება.

  ვრცლად..
• 2017

  06

  დეკ

  Parliamentary Judicial Reform Working Group Meets in Borjomi to Discuss Judicial Reform Related Legislative Amendments (ka)

  

  On December 3-4, the Parliamentary Judicial Reform Working group held its fourth meeting in Borjomi. During the two-day meeting, the special Judicial Reform Working Group that unites HCOJ members, judges, members of the Parliament, and representatives of the Ministry of Justice, discussed a package of draft legislative amendments that addresses an issue of heavy caseload of courts and grounds for disciplinary liability of judges. The high ranking officials from all three branches of the Government, and representatives of the USAID, US Embassy, and Department of Justice, CoE, EU Delegation and GIZ attended the meeting.

  ვრცლად..