შეამოწმეთ თქვენი ცოდნა

შეამოწმეთ თქვენი ცოდნა

საქართველოს იუსტიციის უმაღლესი საბჭო

საქართველოს იუსტიციის უმაღლესი საბჭო

იუსტიციის უმაღლესი სკოლა

იუსტიციის უმაღლესი სკოლა

საქართველოს ადვოკატთა ასოციაცია

საქართველოს ადვოკატთა ასოციაცია

საქართველოს საერთო სასამართლოების მოსამართლეთა სადისციპლინო კოლეგია

საქართველოს საერთო სასამართლოების მოსამართლეთა სადისციპლინო კოლეგია

კოალიცია დამოუკიდებელი და გამჭვირვალე მართლმსაჯულებისათვის

კოალიცია დამოუკიდებელი და გამჭვირვალე მართლმსაჯულებისათვის

ბიზნეს სამართლის ეროვნული ცენტრი

ბიზნეს სამართლის ეროვნული ცენტრი

დავის ალტერნატიული გადაწყვეტის ეროვნული ცენტრი

დავის ალტერნატიული გადაწყვეტის ეროვნული ცენტრი

საარბიტრაჟო ინიციატივა საქართველო

საარბიტრაჟო ინიციატივა საქართველო

სიახლეები

  • 2017
    14
    დეკ

    EWMI/PROLoG მხარს უჭერს კლიენტთა კონსულტირების ტრენინგს ადვოკატებისთვის

    2 დეკემბერს ამერიკის შეერთებული შტატების საერთაშორისო განვითარების სააგენტოს (USAID) მიერ დაფინანსებული EWMI/PROLoG-ის გრანტის ფარგლებში თბილისის თავისუფალ უნივერსიტეტში გაიმართა ტრენინგი ადვოკატებისთვის კლიენტთა კონსულტირების საკითხებში.  ტრენინგს უძღვებოდნენ გამოცდილი ადვოკატები სანდრო ბიბილაშვილი და ლიკა კვანტალიანი, რომლებმაც ყურადღება გაამახვილეს კლიენტთან პირველი ინტერვიუს მნიშვნელობაზე, მიმოიხილეს ინტერვიუს ჩატარების სხვადასხვა მეთოდები და ინტერვიუს სტრუქტურა;  მათ ასევე განიხილეს პროფესიული ეთიკის ისეთი საკითხები, როგორიცაა ინტერესთა კონფლიქტი, კონფიდენციალობისა და ანაზღაურების საკითხები.  

    ტრენინგის მეორე ნახევარი დაეთმო როლურ თამაშებს, სადაც მონაწილეებს შესაძლებლობა ჰქონდათ მიღებული ცოდნა პრაქტიკაში - კლიენტთან სიმულაციური ინტერვიუს დროს გამოეყენებინათ. ტრენინგი აკრედიტებული იყო  საქართველოს ადვოკატთა ასოციაციის განგრძობადი იურიდიული განათლების პროგრამის ფარგლებში და მას 25 ადვოკატი ესწრებოდა.

    ვრცლად..
  • 2017
    14
    დეკ

    EWMI/PROLoG მხარს უჭერს საჯარო ლექციებს თავისუფალ უნივერსიტეტში ადამიანის უფლებების სამართლის საკითხებზე

    29 ნოემბერს ამერიკის შეერთებული შტატების საერთაშორისო განვითარების სააგენტოს (USAID) მიერ დაფინანსებული EWMI/PROLoG-ის გრანტის ფარგლებში თბილისის თავისუფალი უნივერსიტეტის ადამიანის უფლებების ეროვნულმა ინსტიტუტმა რიგით მეორე საჯარო ლექცია გამართა ადამიანის უფლებების საკითხებზე. საჯარო ლექცია ეხებოდა საქართველოში ნარკო-პოლიტიკის გამოწვევებს და საკანონმდებლო ინიციატივის განხილვას, რომელიც საქართველოს პარლამენტში განიხილება. საჯარო ლექციის მომხსენებლები იყვნენ საკანონმდებლო ინიციატივის ავტორები - „საქართველოს ნარკოპოლიტიკის ეროვნული პლატფორმის“ წევრი ორგანიზაციების წარმომადგენლები: გურამ იმნაძე (ადამიანის უფლებების სწავლებისა და მონიტორინგის ცენტრი), დავით სუბელიანი (თეთრი ხმაურის მოძრაობა) და დავით ოთიაშვილი (ალტერნატივა ჯორჯია).

    სპიკერებმა მიმოიხილეს საკანონმდებლო ინიციატივის მთავარი სიახლეები და გათვალისწინებული ცვლილებები როგორც სისხლის სამართლის კანონმდებლობის, ასევე საზოგადოებრივი ჯანდაცვის მიმართულებით. დავით სუბელიანმა ისაუბრა საკანონმდებლო პაკეტის ინიცირების და საქართველოს პარლამენტსა და მთავრობაში გადაწყვეტილების მიმღებ პირებთან მოლაპარაკებების პროცესზე, ხოლო დავით ოთიაშვილმა მიმოიხილა საქართველოში ნარკოტიკების მოხმარების ძირითადი მიმართულებები, საზოგადოებრივი ჯანდაცვის კუთხით არსებული პრობლემები და მათი გადაჭრის ის გზები, რომელსაც კანონპროექტი ითვალისწინებს. საჯარო ლექციას 20 სტუდენტი ესწრებოდა, რომლებიც აქტიურად იყვნენ დისკუსიაში ჩართულნი.

    ვრცლად..
  • 2017
    14
    დეკ

    TDI-ის “მრავალფეროვნების სახეების”ვიდეო ჩვენება ქ. წნორში

    2017 წლის 11 დეკემბერს USAID-ის მიერ დაფინანსებული EWMI/PROLoG-ის ცნობიერების ამაღლების პროექტის „მრავალფეროვნებისა და ინტერ-რელიგიური დიალოგის ხელშეწყობა, უმცირესობებისა და ქალების გაძლიერება“ ფარგლებში ტოლერანტობისა და მრავალფეროვნების ინსტიტუტმა (TDI) ჩაატარა კინოჩვენება წნორში, კახეთის რეგიონში. აღნიშნული ვიდეოები ასახავს და მხარს უჭერს საქართველოში რელიგიურ და ეთნიკურ მრავალფეროვნებას.

    პრეზენტაციისას TDI-მ წარმოადგინა სამი დოკუმენტური ვიდეო. პირველი ვიდეო გვიამბობს მუსლიმი გოგოს ჰურიეს შესახებ, რომელიც წარმოშობით მაღალმთიან აჭარიდან არის. იგი ილიას სახელმწიფო უნივერსიტეტში ფსიქოლოგიის მიმართულებით მაგისტრატურაზე სწავლობს, უნივერსიტეტი (ბაკალავრიატი) კი თურქეთში დაამთავრა. ჰურიემ ჰიჯაბი თურქეთში თავისი ნებით, სხვისი ძალდატანების ან მოთხოვნის გარეშე დაიხურა. მას სურს განაგრძოს ჰიჯაბის ტარება, როგორც მისი რელიგიური იდენტობის ნიშნის და ასევე აგრძელებს ახალგაზრდა მუსლიმი გოგონების განათლებისთვის ბრძოლას, აყალიბებს მკითხველთა კლუბს. მეორე ვიდეო საუბრობს იეჰოვას მოწმეების შესახებ რომლებიც ბიბლიას ჟესტების ენაზე სწავლობენ. იეჰოვას მოწმეები წარმოადგენენ ერთადერთ რელიგიურ ჯგუფს, რომლებსაც მრევლთან კომუნიკაციისას ინკლუზიური მიდგომა აქვთ, ვიდეოში ასევე საუბარია დისკრიმინაციაზე რასაც ისინი ყოველდღიურად აწყდებიან და საზოგადოებაში იეჰოვას მოწმეების პოზიტიური საქმიანობის შესახებ ცნობიერების ამაღლებისკენ არის მიმართული. მესამე ვიდეო "პოლონელი მღვდელი სამცხედან" მოგვითხრობს პოლონელი მღვდლის შესახებ, რომელიც სამი წელია სამცხეში ცხოვრობს და ქართულად ქადაგებს და გვიზიარებს თავის შთაბეჭდილებებს საქართველოზე. ვიდეოები წარმოდგენილია TDI-ის მრავალფეროვნების სახეების

    ფარგლებში ვებ გვერდზე: TDI Facebook Images of Diversity.

    წნორში ჩატარებულ ღონისძიებას 25 მოსწავლე ესწრებოდა, ჩვენების შემდეგ გაიმართა დისკუსია ერთ-ერთი ვიდეოს გმირის, ჰურიე აბაშიძისა და რეჟისორის, ბესო გვენეტაძის მონაწილეობით.

    ვრცლად..
  • 2017
    11
    დეკ

    EWMI/PROLoG-ი მხარს უჭერს ადამიანის უფლებების საკითხებზე ინფორმაციის გაცვლის პროცესის გაუმჯობესებას ცენტრსა და რეგიონებს შორის

    2017 წლის 7 დეკემბერს, ამერიკის შეერთებული შტატების საერთაშორისო განვითარების სააგენტოს (USAID) მიერ დაფინანსებული EWMI/PROLoG-ის გრანტის ფარგლებში, დემოკრატიული ჩართულობის ცენტრების ქსელმა (NCCE) საქართველოს მთავრობის ადმინისტრაციის ადამიანის უფლებათა დაცვის სამდივნოსთან (შემდგომში „სამდივნო“) ერთობლივი პროექტის „ადამიანის უფლებების საკითხებზე ინფორმაციის გაცვლის პროცესის გაუმჯობესება ცენტრსა და რეგიონებს შორის“ შედეგების პრეზენტაცია გამართა.

    პროექტი მხარს უჭერს სამდივნოს რეგიონებისთვის ადამიანის უფლებათა დაცვის სფეროში არსებულ მიდგომებზე, სტრატეგიასა და განვითარებაზე ინფორმაციის მიწოდებაში, სადაც განსაკუთრებული აქცენტი ადამიანის უფლებების დაცვის ეროვნულ სტრატეგიასა და სამოქმედო გეგმაზე კეთდება.

    ვრცლად..
  • 2017
    06
    დეკ

    EWMI/PROLoG-ი საკორპორაციო სამართალში მოსამართლეთა პილოტურ ტრენინგს უჭერს მხარს

    EWMI/PROLoG-მა, რომელიც ამერიკის შეერთებული შტატების საერთაშორისო განვითარების სააგენტოს (USAID) მიერაა დაფინანსებული, იუსტიციის უმაღლეს სკოლასა და გერმანიის საერთაშორისო თანამშრომლობის საზოგადოებასთან (GIZ) თანამშრომლობით, მიმდინარე წლის ოქტომბერში, ნოემბერსა და დეკემბერში ორგანიზება გაუკეთა სამ ტრენინგს საკოპორაციო სამართალსა და კორპორატიულ მმართველობაზე საქართველოსა და ევროკავშირში. მოსამართლე-ტრენერების მიერ ჩატარებული ტრენინგის მიზანი იყო იმ კურსის პილოტირება, რომელიც PROLoG-ისა და GIZ-ის მიერ დაქირავებული საერთაშორისო და ადგილობრივი ექსპერტების მიერ იქნა შემუშავებული.

    ეს სამდღიანი პილოტური პროგრამა კურსის შემუშავების ბოლო ეტაპი იყო. პირველ ეტაპზე PROLoG-ისა და GIZ-ის მხარდაჭერით საკორპორაციო სამართლის კურსის შემუშავება და მოსამართლეთა ტრენინგები განხორციელდა. მეორე ეტაპის მიმდინარეობისას PROLoG-ისა და GIZ-ის მიერ მოხდა მოსამართლე-ტრენერების შერჩევა და იმ საერთაშორისო და ადგილობრივი ექსპერტების მონაწილეობით ტრენერთა ტრენინგის ჩატარება, რომლებმაც კურსი შეიმუშავეს. საბოლოო ეტაპზე, მოსამართლე-ტრენერებმა კოლეგებისთვის პირველად ჩაატარეს ტრენინგი, რითაც საკორპორაციო სამართლის კურსის პილოტირება მოხდა.

    ტრენინგებში მონაწილეობა საქართველოს სხვადასხვა სასამართლოს დაახლოებით ოცმა მოსამართლემ მიიღო. საკორპორაციო სამართლის შესახებ კურსი იუსტიციის უმაღლესი სკოლის კურიკულუმის ნაწილი იქნება.

    ვრცლად..
  • 2017
    06
    დეკ

    Parliamentary Judicial Reform Working Group Meets in Borjomi to Discuss Judicial Reform Related Legislative Amendments (ka)

    On December 3-4, the Parliamentary Judicial Reform Working group held its fourth meeting in Borjomi. During the two-day meeting, the special Judicial Reform Working Group that unites HCOJ members, judges, members of the Parliament, and representatives of the Ministry of Justice, discussed a package of draft legislative amendments that addresses an issue of heavy caseload of courts and grounds for disciplinary liability of judges. The high ranking officials from all three branches of the Government, and representatives of the USAID, US Embassy, and Department of Justice, CoE, EU Delegation and GIZ attended the meeting.

    ვრცლად..
  • 2017
    06
    დეკ

    EWMI/PROLoG მხარს უჭერს ტრენინგს საოჯახო მედიაციაში

    27-29 ნოემბერს ამერიკის შეერთებული შტატების საერთაშორისო განვითარების სააგენტოს (USAID) მიერ დაფინანსებული EWMI/PROLoG-ის გრანტის „მედიაციის შესახებ ცნობიერების ამაღლების პროგრამა“ ფარგლებში, თბილისის სახელმწიფო უნივერსიტეტის (თსუ) დავების ალტერნატიული გადაწყვეტის ეროვნული ცენტრის ორგანიზებით გაიმართა სამ-დღიანი სასერთიფიკაციო ტრენინგი საოჯახო მედიაციაში ადვოკატებისა და სხვა დაინტერესებული პირებისთვის. ტრენინგს დავების ალტერნატიული გადაწყვეტის ეროვნული ცენტრის ექსპერტები გიორგი ცერცვაძე, სოფო ჩაჩავა და ნათია ჩიტაშვილი უძღვებოდნენ.   

    ტრენინგი დაეთმო მედიაციის უპირატესობების განხილვას და სპეციფიკურად საოჯახო მედიაციის თავისებურებებზე გაამახვილა ყურადღება. ტრენინგის 27-მა მონაწილემ მიიღო ცოდნა და შესაბამისი უნარები თუ როგორ წარმართონ მედიაციის პროცესი და როგორ მიიყვანონ მხარეები კონსესუსამდე ისეთ რთულ საქმეებში როგორიც არის ქონებრივი დავები განქორწინებისას, მეურვეობის საკითხები და სხვა.

    ტრენინგი მოიცავდა ლექციებს, პრაქტიკულ სავარჯიშოებსა და როლურ თამაშებს; ასევე კომუნიკაციის სტრატეგიის სავარჯიშოებსა და წვრთნის ელემენტებს რათა მონაწილეებმა მომავალში უკეთ წარმართონ მედიაციის პროცესი.  

    ვრცლად..
  • 2017
    06
    დეკ

    EWMI/PROLoG მხარს უჭერს ადამიანის უფლებებში იმიტირებულ სასამართლო პროცესების შეჯიბრს სტუდენტებისთვის

    18-19 ნოემბერს ამერიკის შეერთებული შტატების საერთაშორისო განვითარების სააგენტოს (USAID) მიერ დაფინანსებული EWMI/PROLoG-ის გრანტის ფარგლებში, თბილისის თავისუფალი უნივერსიტეტის ადამიანის უფლებების ეროვნულმა ინსტიტუტმა ორგანიზება გაუწია რიგით მეორე ადამიანის უფლებათა შეჯიბრს იმიტირებულ სასამართლო პროცესებში სტუდენტებისთვის. შეჯიბრის თემა იყო სიძულვილის ენა და ჰოლოკოსტის უარყოფა. სტუდენტური გუნდები წარმოადგენდნენ მოსარჩელე და მოპასუხე მხარეს საქართველოს საკონსტიტუციო სასამართლოში.

    შეჯიბრზე 53 სტუდენტური გუნდი დარეგისტრირდა, რომელთაგან წერილობითი განაცხადების წარდგენის შემდეგ შეჯიბრის ზეპირ რაუნდებში უმაღლესი შეფასების მქონე რვა გუნდი გადავიდა. შეჯიბრი საქართველოს უზენაეს სასამართლოში ჩატარდა, სადაც ფინალში ერთმანეთს თბილისის სახელმწიფო უნივერსიტეტისა და თბილისის თავისუფალი უნივერსიტეტის გუნდები დაუპირისპირდნენ, გამარჯვება კი თბილისის სახელმწიფო უნივერსიტეტის გუნდმა მოიპოვა. შეჯიბრის მონაწილეებს სხვადასხვა საჩუქრები და სერთიფიკატები გადაეცათ, ხოლო გამარჯვებული გუნდის წარმომადგენლები სტაჟირებას საქართველოს საკონსტიტუციო სასამართლოსა და არასამთავრობო ორგანიზაცია „საქართველოს დემოკრატიული ინიციატივა“-ში გაივლიან.  

    ვრცლად..
  • 2017
    01
    დეკ

    EWMI/PROLoG-ის მხარდაჭერილმა ადამიანის უფლებათა მიმართულების ხელმძღვანელმა ილიას სახელმწიფო უნივერსიტეტში უმასპინძლა დისკუსიას სოკრატეს მეთოდით გენდერული დისკრიმინაციის შესახებ სახალხო დამცველის სპეციალური ანგარიშის მიხედვით

    27 ნოემბერს, ილიას სახელმწიფო უნივერსიტეტის სამართლის სკოლამ, USAID-ის მიერ დაფინანსებულ პროგრამასთან „კანონის უზენაესობის მხარდაჭერა საქართველოში“ (PROLoG) და საქართველოს უნივერსიტეტთან თანამშრომლობით, ქალთა მიმართ ძალადობის წინააღმდეგ ბრძოლის 16 დღიანი აქტივიზმის საერთაშორისო კამპანიის ფარგლებში გამართა დისკუსია სოკრატეს მეთოდით თემაზე: გენდერული ძალადობა სახალხო დამცველის სპეციალური ანგარიშის მიხედვით. დისკუსიაში მონაწილეობდნენ თამარ გურჩიანი (ილიას სახელმწიფო უნივერსიტეტის ასოცირებული პროფესორი და ადამიანის უფლებათა მიმართულების ხელმძღვანელი), ეკატერინე სხილაძე (სახალხო დამცველის მოადგილე და ასევე საქართველოს უნივერსიტეტისა და ილიას უნივერსიტეტის საჯარო სამართლისა და პოლიტიკის მაგისტრატურის სტუდენტები - ანა ლაცაბიძე, გიორგი ჭყობერია და თამარ ბარამაშვილი.

    სტუდენტებმა და მოწვეულმა სპიკერებმა განიხილეს სახალხო დამცველის უახლესი ანგარიშები და ყურადღება გენდერულ დისკრიმინაციზე გაამახვილეს. მათ ასევე განიხილეს შემდეგი შეკითხვები: კერძო სექტორზე ზემოქმედების რა ბერკეტები აქვს სახალხო დამცველს? სახალხო დამცველის რეკომენდაციების უმეტესობა უპასუხოდ რჩება, როგორ უნდა იმოქმედოს საქართველოს პარლამენტმა? რა სიახლეებია გათვალისწინებული ახალ კონსტიტუციაში სახალხო დამცველის ინსტიტუტთან დაკავშირებით? როგორ ხდება გენდერული დისკრიმინაციის საქმეების სამართალწარმოება ევროპულ ქვეყნებში    

    ვრცლად..
  • 2017
    01
    დეკ

    PROLoG-ის მხარდაჭერით ჩატარდა EHRAC-ის მესამე ტრენინგი

    2017 წლის 28-30 ნოემბერს USAID-PROLoG-ის მიერ დაფინანსებული მენტორობის პროგრამის ფარგლებში, რომელიც განკუთვნილია იურიდიული დახმარების სფეროში მომუშავე არასამთავრობო ორგანიზაციების ადვოკატთათვის ადამიანის უფლებათა ადვოკატირების ევროპული ცენტრის (EHRAC) წარმომადგენლებმა 3 დღიანი ტრენინგი ჩაატარეს. ტრენინგი ემსახურებოდა იურიდიული დახმარების განმახორციელებელი იურისტების უნარების გაძლიერებას რათა მათ უკეთ შეძლონ ადამიანის უფლებათა ევროპულ სასამართლოში (ECtHR) სტრატეგიულად მნიშვნელოვანი საქმეების წარმოება. აღნიშნული ტრენინგი ჩატარდა თბილისში, სასტუმრო ჰოლიდეი ინში და ძირითადად მოწმეთა ჩვენებების განხილვაზე იყო ფოკუსირებული.

    მენტორობის პროგრამის მესამე ტრენინგზე, ექსპერტებმა და ტრენინგის მონაწილეებმა მიმოიხილეს მათ მიერ EHRAC-ის წინა ტრენინგზე განაწილებული ქალთა მიმართ ძალადობის შესახებ საქმეები და გააკეთეს პრეზენტაციები, ხანგრძლივი დისკუსიების შემდეგ მოახდინეს თითოეული საქმის ფაქტობრივი გარემოებების გათვალისწინებით შესაბამისი სამართლებრივი საშუალებების იდენტიფიცირება. ამჯერად ტრენინგის მნიშვნელოვან ნაწილს წარმოადგენდა ინდივიდუალური იურიდიული კლინიკები, რომლის ფარგლებში მუშაობის შესაძლებლობაც მიეცა თითოეულ ორგანიზაციას, სადაც მათ განიხილეს მიმდინარე საქმეები EHRAC-ის წარმომადგენლებთან ერთად და მიიღეს რჩევები და რეკომენდაციები. ტრენინგის დასასრულს ექსპერტებმა იურისტებს სპეციალური სავარჯიშოები მისცეს შემდგომი ტრენინგისთვის მოსამზადებლად, რომელიც სავარაუდოთ ივნისში ჩატარდება.

    ვრცლად..
1 2 3 4 5 >>
USAID
Top of Page