შეამოწმეთ თქვენი ცოდნა

შეამოწმეთ თქვენი ცოდნა

საქართველოს იუსტიციის უმაღლესი საბჭო

საქართველოს იუსტიციის უმაღლესი საბჭო

იუსტიციის უმაღლესი სკოლა

იუსტიციის უმაღლესი სკოლა

საქართველოს ადვოკატთა ასოციაცია

საქართველოს ადვოკატთა ასოციაცია

საქართველოს საერთო სასამართლოების მოსამართლეთა სადისციპლინო კოლეგია

საქართველოს საერთო სასამართლოების მოსამართლეთა სადისციპლინო კოლეგია

კოალიცია დამოუკიდებელი და გამჭვირვალე მართლმსაჯულებისათვის

კოალიცია დამოუკიდებელი და გამჭვირვალე მართლმსაჯულებისათვის

ბიზნეს სამართლის ეროვნული ცენტრი

ბიზნეს სამართლის ეროვნული ცენტრი

დავის ალტერნატიული გადაწყვეტის ეროვნული ცენტრი

დავის ალტერნატიული გადაწყვეტის ეროვნული ცენტრი

საარბიტრაჟო ინიციატივა საქართველო

საარბიტრაჟო ინიციატივა საქართველო

სიახლეები

  • 2017
    07
    ნოე

    EWMI/PROLoG მხარს უჭერს აკადემიურ კონფერენციას 2017 წლის საკონსტიტუციო რეფორმის შესახებ

    3 ნოემბერს ამერიკის შეერთებული შტატების საერთაშორისო განვითარების სააგენტოს (USAID) მიერ დაფინანსებული EWMI/PROLoG-ის გრანტის ფარგლებში, თბილისის თავისუფალი უნივერსიტეტის ადამიანის უფლებათა ეროვნულმა ინსტიტუტმა ორგანიზება გაუწია აკადემიურ კონფერენციას საქართველოს 2017 წლის საკონსტიტუციო რეფორმის შესახებ. კონფერენცია ეძღვნებოდა იმ სადავო საკითხებს, რომლებმაც ყველაზე დიდი აზრთა სხვადასხვაობა გამოიწვია საზოგადოებაში.   კონფერენციაზე განხილული საკითხები მოიცავდა მართლმსაჯულების სისტემისა და საკონსტიტუციო კონტროლის ახალ მოწესრიგებას, განახლებულ ადამიანის უფლებათა თავს კონსტიტუციაში და საარჩევნო სისტემის, პარლამენტის როლისა და ძალთა ბალანსის საკითხებს. კონფერენციაზე მომხსენებლებს შორის იყვნენ საკონსტიტუციო სასამართლოს ყოფილი მოსამართლეები კონსტანტინე ვარძელაშვილი და ქეთევან ერემაძე, საქართველოს პრეზიდენტის საპარლამენტო მდივანი - ანა დოლიძე, იუსტიციის უმაღლესი საბჭოს წევრი - ნაზი ჯანეზაშვილი, ასევე სახელმწიფო საკონსტიტუციო კომისიის წევრები ვახუშტი მენაბდე და ვახტანგ ხმალაძე. კონფერენციას 70-ზე მეტი სტუდენტი და სამართლის პროფესორი, არასამთავრობო ორგანიზაციების წარმომადგენლები და საკონსტიტუციო სასამართლოს მოქმედი მოსამართლეები ესწრებოდნენ. დამსწრეები აქტიურად ჩაერთნენ კონსტიტუციის პრობლემური მუხლებისა და მათი პრაქტიკული შედეგების განხილვაში.  

    ვრცლად..
  • 2017
    07
    ნოე

    EWMI/PROLoG მხარს უჭერს საჯარო დისკუსიას თემაზე სასამართლოს ავტორიტეტი თუ გამოხატვის თავისუფლება

    25 ოქტომბერს ამერიკის შეერთებული შტატების საერთაშორისო განვითარების სააგენტოს (USAID) მიერ დაფინანსებული EWMI/PROLoG-ის გრანტის ფარგლებში, თბილისის თავისუფალი უნივერსიტეტის ადამიანის უფლებათა ეროვნულმა ინსტიტუტმა გამართა საჯარო დისკუსია თემაზე „სასამართლოს ავტორიტეტი თუ გამოხატვის თავისუფლება.“ საჯარო დისკუსიის მომხსენებლები იყვნენ იუსტიციის უმაღლესი საბჭოს ყოფილი წევრი, ევა გოცირიძე და ინფორმაციის თავისუფლების განვითარების ინსტიტუტის, კანონის უზენაესობის მიმართულების ხელმძღვანელი გიორგი ბერაია. დისკუსიის დროს ევა გოცირიძემ ისაუბრა სასამართლოს ავტორიტეტის დაცვისთვის დამატებითი საკანონმდებლო შეზღუდვების დაწესების აუცილებლობაზე, ხოლო გიორგი ბერაიამ ყურადღება გაამახვილა იმ რისკებზე, რომელსაც აღნიშნული რეგულაციები შეიცავს გამოხატვის თავისუფლების შეზღუდვისთვის. მომხსენებლებმა წარმოადგინეს თავიანთი არგუმენტები, ისაუბრეს საერთაშორისო გამოცდილებასა და საქართველოში არსებულ გამოწვევებზე.   

    ვრცლად..
  • 2017
    01
    ნოე

    PROLoG მხარდაჭერილმა იურიდიული ეთიკის მიმართულების ხელმძღვანელმა ეთიკის საკითზებზე საჯარო ლექციას უმასპინძლა

    28 ოქტომბერს USAID/PROLoG-ის მხარდაჭერილმა იურიდიული ეთიკის მიმართულების ხელმძღვანელმა ნიუ ვიჟენის უნივერისტეტში უმასპინძლა საჯარო დისკუსიას თემაზე „იურიდიული ეთიკის გამოწვევები საქართველოში“.  საჯარო ლექციას უძღვებოდნენ იურიდიული ეთიკის სპეციალისტები ანა ლორია და ირაკლი კორძახია, რომლებმაც ისაუბრეს შემდეგ საკითხებზე: ა) ინტერესთა კონფლიქტი ადვოკატებს, მოსამართლეებსა და პროკურორებს შორის; ბ) ეთიკის კოდექსის მოქმედების ფარგლები; და, გ) ადვოკატის ჰონორარის რეგულირების საკითხები. ლექციას ესწრებოდნენ სტუდენტები, ადვოკატები, ნიუ ვიჟენის უნივერსიტეტის ლექტორები და სხვა უნივერსიტეტის წარმომადგენლები, რომლებიც აქტიურად იყვნენ ჩართული ლექციის შემდგომ გამართულ დისკუსიაში. აუდიტორიის განსაკუთრებული ყურადღება ლექციის დროს განხილულმა საქართველოს ადვოკატთა ასოციაციის ეთიკის კომისიის მიმდინარე საქმეებმა გამოიწვია. 

    ვრცლად..
  • 2017
    26
    ოქტ

    EWMI/PROLoG მხარს უჭერს მედიაციის შესახებ ცნობიერების ამაღლების პროექტს

    EWMI/PROLoG მხარს უჭერს თბილისის სახელმწიფო უნივერსიტეტის დავების ალტერნატიული გადაწყვეტის ეროვნულ ცენტრს მედიაციის შესახებ ცნობიერების ამაღლებასა და მის პოპულარიზაციაში. საგანმანათლებლო ღონისძიებები მიმართულია ადვოკატების, სტუდენტების, პროფესორებისა და ადგილობრივი მოსახლეობის ცნობიერების ამაღლებაზე საქართველოს რეგიონებში.  2017 წლის ივნისი-ოქტომბრის პერიოდში დავების ალტერნატიული გადაწყვეტის ეროვნულმა ცენტრმა საქართველოს ექვს ქალაქში (თბილისი, ქუთაისი, ბათუმი, ზუგდიდი, თელავი, ახალციხე) ჩაატარა მედიაციაში წარმომადგენლობის შესახებ ტრენინგები ადვოკატებისთვის და ასევე საჯარო ლექციები ადგილობრივ უნივერსიტეტებში. ღონისძიებებს 100-ზე მეტი ადვოკატი და 150 იურიდიული პროფესიის წარმომადგენელი ესწრებოდა. შეხვედრების დროს, დავების ალტერნატიული გადაწყვეტის ცენტრის ექსპერტებმა მიმოიხილეს მედიაციის უპირატესობები, მისი რეგულირების საკითხები და ის ფაქტორები, რომელიც განაპირობებს მედიაციაში წარმატებულ წარმომადგენლობას. ამასთან, დავების ალტერნატიული გადაწყვეტის ცენტრი მხარს დაუჭერს ქუთაისის აკაკი წერეთლის სახელმწიფო უნივერსიტეტს მედიაციის საუნივერსიტეტო კურსის შემუშავება-დანერგვაში და ასევე მედიაციის კლინიკის დაფუძნებაში უნივერსიტეტის სამართლის კლინიკის პროგრამის ფარგლებში. 

    ვრცლად..
  • 2017
    26
    ოქტ

    PROLoG-ი მხარს უჭერს პარლამენტის საქმიანობას გენდერული თანასწორობის მიმართულებით

    24 ოქტომბერს პარლამენტის გენდერული თანასწორობის საბჭოს სხდომაზე EWMI-PROLoG- ისა და გენდერული თანასწორობისთვის გაეროს ერთობლივი პროგრამის მხარდაჭერით მომზადებული კვლევის - გენდერული თანასწორობა საქართველოში: ბარიერები და რეკომენდაციები - პირველადი მიგნებების პრეზენტაცია გაიმართა. კვლევაში იდენტიფიცირებულია კანონმდებლობისა და პოლიტიკის ხარვეზები მთელ რიგ სფეროებში, როგორიცაა, პოლიტიკური მონაწილეობა, ეკონომიკური გაძლიერება, ქალთა მიმართ ძალადობა, შრომითი ურთიერთობები, ჯანმრთელობა, განათლება, მშვიდობა და უსაფრთხოება, სპორტი და კულტურა, ასევე თემატური კანონები გენდერული თანასწორობისა და დისკრიმინაციის აღმოფხვრის შესახებ. კვლევა დაეხმარება საბჭოს, განსაზღვროს პრიორიტეტები და მოახდინოს რეფორმების ინიცირება საქართველოს საერთაშორისო ვალდებულებებისა და რეკომენდაციების განხორციელების მიზნით. დასრულებული კვლევის ფართო საზოგადოებისთვის  წარდგენა წლის ბოლოს იგეგმება.

    ვრცლად..
  • 2017
    25
    ოქტ

    EWMI/PROLoG მხარს უჭერს არასამთავრობო ორგანიზაციებისთვის ტრენინგს რეგულირების გავლენის შეფასების შესახებ

    16 ოქტომბერს, ამერიკის შეერთებული შტატების საერთაშორისო განვითარების სააგენტოს (USAID) მიერ დაფინანსებული EWMI/PROLoG-ის გრანტის ფარგლებში, თბილისის თავისუფალმა უნივერსიტეტმა არასამთავრობო ორგანიზაციების წარმომადგენლებისთვის რეგულირების გავლენის შეფასების შესახებ ტრენინგი გამართა. რეგულირების გავლენის შეფასება წარმოადგენს სისტემურ მიდგომას არსებული და შეთავაზებული რეგულაციების დადებითი და ნეგატიური შედეგებისა და ალტერნატივების შესაფასებლად.  ტრენინგს უძღვებოდნენ იურისტი დიმიტრი ძაგნიძე და ეკონომისტი, ლალი ღოღობერიძე, რომლებმაც მონაწილეებს გააცნეს რეგულირების გავლენის შეფასების არსი და მიზნები, შესაბამისი მეთოდოლოგიები და საერთაშორისო პრაქტიკა. მომდევნო ეტაპზე თავისუფალი უნივერსიტეტი გეგმავს უფრო გაღრმავებული ტრენინგის ჩატარებას, სადაც მოხდება პრაქტიკული მაგალითებისა და კონკრეტულ სამართლებრივ პროექტებზე რეგულირების გავლენის შეფასების ჩატარების მეთოდების განხილვა. ტრენინგს ესწრებოდა 14 მონაწილე, კოალიცია „დამოუკიდებელი და გამჭირვალე სასამართლოსათვის“ წევრი ორგანიზაციებიდან. 

    ვრცლად..
  • 2017
    23
    ოქტ

    HRC-ის ორგანიზებით კახეთში საქართველოს ზრდასრულთა განათლების ცენტრის ბენეფიციარებთან შეხვედრა ჩატარდა

    6 ოქტომბერს, USAID-ის მიერ დაფინანსებული EWMI/PROLoG-ის იურიდიული დახმარების გრანტის - “საქართველოს რეგიონებში მცხოვრები ქალების, რელიგიური და ეთნიკური უმცირესობების მართლმსაჯულებაზე ხელმისაწვდომობის მხარდაჭერა“ ფარგლებში, ადამიანის უფლებათა ცენტრის (HRC) თბილისისა და გურჯაანის ოფისის წარმომადგენლები შეხვდნენ სოფელ ლელიანის ზრდასრულთა განათლების ცენტრის ბენეფიციარებს ლაგოდეხის მუნიციპალიტეტში. ლელიანის ცენტრი საქართველოს ზრდასრულთა განათლების ქსელის (GAEN) წევრია, რომელიც მიზნად ისახავს ზრდასრულთა განათლების პრინციპების პოპულარიზაციას და საზოგადოების ცნობიერების ამაღლებას ისეთ საკითხებზე როგორიცაა გენდერული თანასწორობა, ოჯახური ძალადობა და ადრეული ქორწინება. გასვლითი ვიზიტი ემსახურებოდა სოფელ ლელიანში მცხოვრებ ქალთა ცნობიერების ამაღლებას ისეთ საკითხებზე როგორიცაა ადრეული ქორწინება, ოჯახური ძალადობა, გენდერული თანასწორობა, ქალთა საკუთრების უფლებები და ქალთა მონაწილეობა გადაწყვეტილების მიღების პროცესში ადგილობრივ და რეგიონალურ დონეზე. შეხვედრას 14 ქალი ესწრებოდა.

    ვრცლად..
  • 2017
    19
    ოქტ

    EWMI/PROLoG-ის ორგანიზებით მოსამართლეებისთვის საკორპორაციო სამართლის კურსის შემუშავებისთვის მესამე ტრენინგი ჩატარდა

    EWMI/PROLoG-მა, იუსტიციის უმაღლეს სკოლასა და გერმანიის საერთაშორისო თანამშრომლობის საზოგადოებასთან თანამშრომლობით, ქართველ მოსამართლეთა ჯგუფისთვის ორგანიზება გაუკეთა ტრენერთა მესამე ტრენინგს საკოპორაციო სამართალსა და კორპორატიულ მმართველობაზე საქართველოსა და ევროკავშირში. მიმდინარე წლის მაისსა და ივნისში ჩატარებული ტრენინგების მსგავსად, 14-15 ოქტომბრის ღონისძიებაც პრეზენტაციებს, კაზუსებს, დისკუსიებსა და დავალებებს მოიცავდა, რომელთა საშუალებითაც ტრენერი მოსამართლეებისთვის ინფორმაციის მიწოდება საკორპორაციო სამართლის ისეთი მნიშვნელოვანი საკითხების შესახებ მოხდა, როგორიცაა კომპანიის დაფუძნება და ფინანსური სტრუქტურა, მენეჯერებისა და აქციონერების უფლება-მოვალეობები, კაპიტალის შენარჩუნების ევროპული პრინციპები და დახურული კორპორაციების სხვა სპეციფიკური პრობლემები. ღონისძიება ტრენერთა ტრენინგის დასკვნითი ნაწილი იყო. მომდევნო ეტაპზე ტრენერ მოსამართლეებს უკვე კოლეგებისთვის მოუწევთ სამი პილოტური ტრენინგის ჩატარება, რაც წლის ბოლომდე განხორციელდება.

    საქართველო-ევროკავშირის ასოცირების შესახებ შეთანხმების მიხედვით, საქართველომ მომდევნო სამიდან ხუთ წლამდე პერიოდში ევროკავშირის საკორპორაციო სამართლის რამდენიმე დირექტივა უნდა განახორციელოს. 2016 წელს საქართველოს მთავრობამ დაიწყო იმპლემენტაციის პროცესი და დონორთა დახმარებით (მათ შორის, EWMI/PROLoG-ის მონაწილეობით) შეიმუშავა მეწარმეთა შესახებ კანონპროექტი, რომელიც ამჟამად პარლამენტისთვის წარდგენისათვის მომზადების პროცესშია. მეწარმეთა შესახებ ახალი კანონის მიღების შემდეგ, საქართველოს სასამართლოებს ახალი ცნებებით ხელმძღვანელობა და კანონის ევროკავშირის დირექტივების შესაბამისად ინტერპრეტაცია და გამოყენება მოუწევთ. ტრენერები, რომლებმაც EWMI/PROLoG-ისა და GIZ-ის მიერ ორგანიზებული ტრენინგები გაიარეს, შეძლებენ ქართველი მოსამართლეების გადამზადებას ახალი, გაზრდილი პასუხისმგებლობების შესასრულებლად.   

    ვრცლად..
  • 2017
    11
    ოქტ

    თავისუფალმა უნივერსიტეტმა საქართველოს საკონსტიტუციო სასამართლოში „სასამართლოს მეგობრის“ პოზიცია წარადგინა

    EWMI/PROLoG-ის გრანტის ფარგლებში თავისუფალი უნივერსიტეტი, უოშბორნის უნივერსიტეტის სამართლის სკოლასთან თანამშრომლობით მუშაობს საქართველოს საკონსტიტუციო სასამართლოში „სასამართლოს მეგობრის“ (amicus curiae) პოზიციის წარდგენაზე.  აღნიშნული თანამშრომლობის ფარგლებში, სტუდენტები თავისუფალი და უოშბორნის უნივერსიტეტებიდან ერთობლივად მუშაობენ სხვადასხვა სამართლებრივ საკითხებზე საკონსტიტუციო სასამართლოში შეტანილი სარჩელების გარშემო, რითაც იუმჯობესებენ სამართლებრივი კვლევისა და წერის უნარ-ჩვევებს. 

    წელს თავისუფალმა უნივერსიტეტმა შედარებითი კვლევისთვის სასამართლოში შეტანილი ორი სარჩელი შეარჩია. ერთი მათგანი ეხება „სახელმწიფო შესყიდვების შესახებ“ საქართველოს კანონის ერთ-ერთი მუხლის არაკონსტიტუციურობის საკითხს, რომელიც შპს „საქართველოს ფოსტას“ სხვებთან შედარებით ხელსაყრელ პირობებში აყენებს საფოსტო და საკურიერო მომსახურების მიმართულებით, კონსტიტუციის თავისუფალი მეწარმეობისა და კონკურენციის პრინციპების საწინააღმდეგოდ.  

    ოუშბორნის უნივერსიტეტის სტუდენტებმა გამოიკვლიეს აშშ საკონსტიტუციო სამართლითა და სასამართლო პრაქტიკით სახელმწიფოს მიერ დაწესებული  მონოპოლიების საკითხები, ხოლო ქართველმა სტუდენტებმა შეისწავლეს ევროპის კავშირის დირექტივები, საქართველოს მიერ ევროპის კავშირთან ასოცირების ხელშეკრულების ფარგლებში აღებული ვალდებულებები და ევროპის კავშირის მართლმსაჯულების სასამართლოს გადაწყვეტილებები. „სასამართლოს მეგობრის“ პოზიცია თავისუფალმა უნივერსიტეტმა სასამართლოში სექტემბერში წარადგინა, ხოლო მეორე პოზიციის წარდგენა ოქტომბრის ბოლოსთვის იგეგმება. 

    ვრცლად..
  • 2017
    11
    ოქტ

    EWMI/PROLoG მხარს უჭერს სამუშაო შეხვედრას უზენაესი სასამართლოს მოსამართლეებისთვის დასაშვებობის ახალ კრიტერიუმზე

    6-8 ოქტომბერს, EWMI/PROLoG-მა, ევროკავშირის სასამართლოს მხარდაჭერის პროექტთან თანამშრომლობით ორგანიზება გაუწია ორდღიან სამუშაო შეხვედრას საქართველოს უზენაესი სასამართლოს მოსამართლეებისთვის.  სამუშაო შეხვედრა დაეთმო საკასაციო საჩივრის წარდგენის ახალ დასაშვებობის კრიტერიუმს, რომელიც სასამართლო სისტემის რეფორმის მესამე ტალღის ფარგლებში იქნა მიღებული და უზენაეს სასამართლოს ავალდებულებს გასაჩივრებული სასამართლო გადაწყვეტილებების დასაშვებობის საკითხი შეამოწმოს მისი ადამიანის უფლებათა ევროპულ კონვენციასა და ადამიანის უფლებათა ევროპული სასამართლოს პრეცედენტულ სამართლთან თავსებადობის კუთხით. 

    ვრცლად..
1 2 3 4 5 >>
USAID
Top of Page